گاۋھارمەن بەزەندىرىلگەن ۇشاق جەلىدە تالقىعا ءتۇستى

 استانا. قازاقپارات - جەلىدە گاۋھارمەن بەزەندىرىلگەن ۇشاقتىڭ سۋرەتى تالقىعا ءتۇستى. سۋرەتتى بلوگەر سارا شاكيل جاريالادى.

بلوگەر سارا شاكيل يتاليا مادەنيەتىمەن تانىسۋ ءۇشىن ميلانعا ۇشاتىنىن ايتتى. سول كۇنى Emirates اۋەكومپانياسى Twitter- دەگى رەسمي پاراقشاسىندا سۋرەت جاريالادى.

« Emirates Bling 777ۇشاعىن نازارلارىڭىزعا ۇسىنامىز. سۋرەتتى سارا شاكيل ءتۇسىردى»، - دەپ جازىلعان حابارلامادا.

جەلى قولدانۋشىلارى گاۋھار ۇشاقتىڭ قاجەتسىز ەكەنىن اتادى.

«كەشىرىڭىزدەر، ءبىراق الەمگە بۇدان دا باسقا نارسە قاجەت سەكىلدى. وسى قاراجاتقا جاردەمگە مۇقتاج ادامدارعا كومەكتەسسە يگى ەدى»، - دەپ جازدى جەلىدەگىلەر.

كەيبىرى سۋرەتتىڭ شىنايىلىعىنا سەنگەن جوق. مۇنى فوتوشوپ باعدارداماسى ارقىلى جاسالعان دەپ سەندى.

«بۇل جالعان. ۇشاققا ارتىق سالماق قوسىلعاندا ونىڭ جۇمىسى قيىندايدى. قاۋىپسىزدىگىنە نۇقسان كەلەدى. ءارى تەحنيكالاق تۇرعىدا گاۋھارمەن بەزەندىرىپ شىعۋ ءمۇمىن ەمەس»، - دەپ جازدى ەندى ءبىرى.

وسىدان كەيىن بلوگەر تاعى ءبىر سۋرەت جاريالادى.

«سىزدەر سۋرەتتىڭ شىن ەكەنىنە سەنۋ ءۇشىن ۇشار الدىندا تاعى دا سۋرەتكە ءتۇسىرىپ الدىم»، - دەپ جازدى سارا.

جەلى قولدانۋشىلارى مۇنداي ۇشاقتىڭ بارىنا ءالى دە سەنە الار ەمەس. جەلىدە ەكىجاقتى پىكىرتالاس ءجۇرىپ جاتىر.