رەسەي ساحناسىن باعىندىرعان قازاق انشىلەرى كىمدەر؟

None
None
 استانا. قازاقپارات - كۇنى كەشە عانا ەلىمىزدىڭ تالانتتى ءانشىسى ديماش قۇدايبەرگەن رەسەيدە ونەر كورسەتىپ، تەرىسكەيدەگى كورشى ەلدىڭ جۇرەگىن جاۋلاپ العان ەدى.

ايتا كەتەرلىگى، رەسەي ەستراداسىنىڭ جارىق جۇلدىزىنا اينالىپ، قازاقستاننىڭ اتىن شىعارعان ونەر يەلەرى جەتىپ ارتىلادى.

وسىعان وراي NUR. KZ نازارلارىڭىزعا رەسەي ەستراداسىنىڭ جارىق جۇلدىزىنا اينالعان قازاق انشىلەرىنىڭ ءتىزىمىن ۇسىنادى.

كەڭەس وداعى تۇسىندا اتاعى جەر جارعان «نا-نا» توبىنىڭ نەگىزىن قالاۋشىلاردىڭ ءبىرى - باري اليباسوۆتىڭ شىعىس قازاقستان وبلىسى، شار بەكەتىندە دۇنيەگە كەلگەنىن ءبىرى بىلسە، ەندى ءبىرى بىلە بەرمەيدى. تانىمال توپ جەتەكشىسى بۇگىندە رەسەيدە تۇرادى. دەسە دە باري اليباسوۆ جەرلەستەرىنە ءجيى كەلىپ، ءتۇرلى كونسەرتتەر بەرىپ تۇرادى.



رەسەي ەستراداسىن باعىندىرعان قازاق انشىلەرىنىڭ بىرەگەيى باتىرحان شۇكەنوۆ. رەسەيلىك ونەر جۇلدىزدارى «باتىر اعا» جايلى جىلى ەستەلىكتەرىمەن كۇنى بۇگىنگە دەيىن بولىسەدى. ال ءوزى كەزىندە ءان ايتقان «ا ستۋديو» توبى بولسا بۇگىنگى كۇنگە دەيىن رەسەي ەستراداسىنىڭ جارىق جۇلدىزدارى بولىپ سانالادى.



«ا ستۋديو» توبىنىڭ تاعى ءبىر مۇشەسى - بايعالي سەركەبايەۆ تا رەسەي ەلىندە كەڭىنەن تانىمال. اتاقتى وپەرا ءانشىسى ەرمەك سەركەبايەۆتىڭ ۇلى بۇگىندە رەسەيدە تۇرعانىمەن، قازاقستانعا ءجيى كەلىپ تۇرادى. مۋزىكانت اسىرەسە الماتى جانە استانا قالالارىندا ءجيى كونسەرت ۇيىمداستىرادى.



بۋريات ەلىندە تۋسا دا، 6 جاسىندا شىعىس قازاقستاننىڭ وسكەمەن قالاسىنا كەلىپ، سوندا مەكتەپ بىتىرگەن تاعى ءبىر ءانشى - سەرگەي زۆەريەۆ. تانىمال ستيليست ءوز سۇحباتتارىندا تالاي رەت وسكەمەندە وتكەن بالالىق شاعى تۋرالى ايتىپ بەرگەن ەدى.



رەسەي ساحناسىن باعىندىرعان اعا بۋىن وكىلدەرىنىڭ ءىزىن - نازيما، سكريپتونيت سىندى قازاقتىڭ ۇل-قىزدارى جالعاستىردى. شىمكەنتتىك نازيما ايگىلى تيماتيدىڭ «Black Star» پروديۋسەرلىك كومپانياسىندا ونەر كورسەتسە، سكريپتونيت ءوزىنىڭ رەپ اندەرىمەن رەسەي ەلىنىڭ سۇيىكتى انشىسىنە اينالدى.






ءوزىنىڭ ەرەكشە ونەرىمەن رەسەيلىك تىڭدارمانداردى باۋراپ العان تاعى ءبىر ونەر يەسى - ديماش قۇدايبەرگەن. ءانشى تانىمال كومپوزيتور يگور كرۋتويمەن ءان ورىنداپ، كەلەر جىلى ماسكەۋدە ءوزىنىڭ ءان كەشىن ۇيىمداستىرۋدى جوسپارلاپ وتىر.

سوڭعى جاڭالىقتار