اقان ساتايەۆتىڭ «كوشباسشى جولى. استانا» فيلمىنىڭ ترەيلەرى جاريالاندى
«دوستار، «كوشباسشى جولى. استانا» فيلمىنىڭ رەسمي ترەيلەرىن تانىستىرۋعا قۋانىشتىمىز. فيلمدى 16 -جەلتوقساننان باستاپ ەلىمىزدىڭ بارلىق كينوتەاترلارىنان كورۋگە بولادى»، - دەپ جازدى رەجيسسەر اقان ساتايەۆ Instagram پاراقشاسىندا.
كينوتۋىندى «كوشباسشى جولى» كينوەپوپەيالارىنىڭ كەزەكتى ءبولىمى بولىپ تابىلادى. كارتينادا قازاقستان استاناسىنىڭ قالىپتاسۋ تاريحى، ونىڭ بوي كوتەرۋى بارىسىنداعى نۇرسۇلتان نازاربايەۆتىڭ ەڭبەگى باياندالادى.
فيلمدە 1994 -جىلدىڭ شىلدەسىندە الماتى استاناسىن اقمولاعا كوشىرۋ تۋرالى تاريحي شەشىمنىڭ قابىلدانۋىمەن بايلانىستى وقيعالار كورسەتىلگەن.
ەسكە سالا كەتسەك، بۇعان دەيىن «كوشباسشى جولى. استانا» كينوەپوپەياسىنىڭ سوڭعى ءتۇسىرىلىمى ءجۇرىپ جاتقانىن حابارلاعان بولاتىنبىز. بۇعان دەيىن قازاقستاندىقتاردىڭ نازارىنا كينوەپوپەيانىڭ 5 ءبولىمى ۇسىنىلعان ەدى.
اۆتور: ايان بەكەن ۇلى