ءۇندىستانداعى ءىرى قارجى جانە اۋىل شارۋاشىلىعى شتاتىندا ق ر قۇرمەتتى كونسۋلدىعى اشىلدى

None
None
گانديناگارس. قازاقپارات - 10- جەلتوقساندا ءۇندىستاندا گۋدجارات شتاتىنداعى گانديناگارس قالاسىندا قازاقستان رەسپۋبليكاسىنىڭ قۇرمەتتى كونسۋلدىعى اشىلدى.

وعان بەلگىلى بيزنەسمەن، «ChandanSteelLimited» كومپانياسىنىڭ باسقارۋشى ديرەكتورى ديليپ چاندان جەتەكشىلىك ەتەدى، دەپ حابارلايدى قازاقپاراتتىڭ مەنشىكتى ءتىلشىسى.

د. چاندان وسى ەلدەگى مەملەكەتتىك جانە ىسكەر توپتار اراسىندا كەڭىنەن تانىمال. ول گۋدجارات سايدا-ونەركاسىپ پالاتاسىنىڭ مۇشەسى، ChandanMinirals PL» «ChandanGemstones PL» ،«IndicGeoResources PL» ،«SachGeoResources PL», «KalikundInvestment B.V. Netherlands»   باسقارۋشى ديرەكتورى جانە وزگە دە بەلگىلى قوعامدىق ۇيىمدارعا جەتەكشىلىك ەتەدى.

قۇرمەتتى كونسۋلدىقتىڭ سالتاناتتى اشىلۋ راسىمىنە قازاقستان رەسپۋبليكاسىنىڭ ءۇندىستانداعى ەلشىسى بولات سارسەنبايەۆ، گۋدجارات شتاتى ۇكىمەتىنىڭ باس ءمينيسترى ۆيدجاي رۋپاني ساحەب، گۋدجارات شتاتى ۇكىمەتىنىڭ قوعامدىق دامۋ ءمينيسترى رامانبحاي پاتكار، ءۇندىستان پارلامەنتىنىڭ دەپۋتاتى ديەۆجي پاتەل قاتىستى.

ەلشى بولات سارسەنبايەۆ ءوز سوزىندە بۇل شارانىڭ قازاقستان رەسپۋبليكاسى تاۋەلسىزدىگىنىڭ 27 جىلدىعى قارساڭىندا ءوتىپ وتىرعانىن ەرەكشە اتاپ ءوتتى. ول ق ر پرەزيدەنتى نۇرسۇلتان نازاربايەۆتىڭ ەلدىڭ قالىپتاسۋى مەن دامۋىنداعى اتقارعان زور رولىنە ەرەكشە توقتالدى.



سونداي-اق ەندى قۇرىلىپ وتىرعان مەكەمەنىڭ قازاقستان مەن ءۇندىستان اراسىنداعى IT- ءوندىرىسى، ماشيناقۇرىلىسى، تۋريستىك، كولىكتىك-لوگيستيكالىق ينفراقۇرىلىمدار، سونداي-اق اۋىل شارۋاشىلىعى سالالارىنداعى ءوزارا ءتيىمدى ىنتىماقتاستىقتىڭ دامۋىنا ىقپال ەتەتىندىگىن اتاپ ءوتتى.



قۇرمەتتى مەيمان، گۋدجارات شتاتى ۇكىمەتىنىڭ باس ءمينيسترى ۆيدجاي رۋپاني ساحەب قۇرمەتتى كونسۋلدىقتىڭ اشىلۋى ەكى جاقتى ەكونوميكالىق بايلانىستى نىعايتۋعا ىقپال ەتەتىندىگىنە جانە ينۆەستيتسيالىق تاسقىندى ۇلعايتاتىندىعىنا سەنىمدى ەكەندىگىن جەتكىزدى.

سوڭعى جاڭالىقتار