قانات يسلام استاناداعى بوكس كەشىندە كىمدەر جۇدىرىقتاساتىنىن ايتتى

None
None
استانا. قازاقپارات - 16 - جەلتوقسان كۇنى استانا قالاسىنداعى «داۋلەت» سپورت كەشەنىندە كاسىپقوي بوكس كەشى وتەدى، دەپ حابارلايدى قازاقپارات.

«QAZAQ promotions» پروموۋتەرلىك كومپانياسىنىڭ ۇيىمداستىرۋىمەن وتەتىن بوكس كەشىندە ايدار شارىبايەۆ، ەلشات نىعىمەتوللا ۇلى، اسحات ۋاليحانوۆ، ابىلايحان قۇسايىنوۆ جانە رۋسلان مىرساتايەۆ شارشى الاڭعا شىعادى.

«QAZAQ promotions» پروموۋتەرلىك كومپانياسىنىڭ نەگىزىن قالاۋشى، تانىمال كاسىپقوي بوكسشىسى قانات يسلامنىڭ ايتۋىنشا، بۇل كۇندە قازاق بوكسشىلارىنىڭ قارسىلاستارى انىقتالدى.

«قىتايدا كاسىپقوي بوكستا جۇرگەن قانداسىمىز ەلشات نىعىمەتوللا ۇلى قازاقستاندا العاشقى جەكپە- جەگىن وتكىزەدى. ونىڭ قارسىلاسى، جەڭىلىپ كورمەگەن ازەربايجاندىق بوكسشى فاريد اليەۆ. ول بۇعان دەيىن 5 جەكپە- جەك وتكىزىپ، بارلىعىندا نوكاۋتپەن جەڭىسكە جەتكەن» - ، دەدى قانات يسلام قازاقپارات تىلشىسىنە.

بوكس كەشىندە جۇدىرىقتاساتىن بوكسشىلار تومەندەگىدەي:

ايدار شارىبايەۆ (قازاقستان) - ايۆازيدي ارتەم (ۋكراينا)

اسحات ۋاليحانوۆ (قازاقستان) - يۋروۆ ياروسلاۆ (ۋكراينا)

ابىلايحان قۇسايىنوۆ (قازاقستان) - موروز ماكسيم (ۋكراينا)

رۋسلان مىرساتايەۆ (قازاقستان) - دوۆبيشەنكو كوستيانتين (ۋكراينا)

ەلشات نىعىمەتوللا ۇلى (قىتاي) - فاريد اليەۆ (ازەربايجان)

 

مۇحتار قاليموللا ۇلى

سوڭعى جاڭالىقتار