تىركەلمەگەن تەلەفوندار جاڭا جىلدا بايلانىسسىز قالا ما
دەپ حابارلايدى قازاقپارات ءتىلشىسى.
«ارينە، ادامدار بۇل ماسەلەنى ۋايىمداپ ءجۇر، الايدا قۇرىلىعىلارىن تىركەۋدەن وتكىزۋگە اسىقپايدى. بۇگىندە موبيلدى بايلانىس ابونەنتتەر دەڭگەيى حالىق سانىنان اسىپ تۇسكەن. ەگەر دە بىزدە 26 ميلليون پايدالانۋشى بولسا، حالىق سانى - 18 ميلليوننان استام. ياعني كەيبىر ادامدار بىرنەشە تەلەفون ۇستايدى، 3-4 تەلەفوندى قاتارىنان پايدالاناتىندار بار. قازىرگى كەزدە 70 پايىزعا جۋىعى تىركەۋدەن ءوتتى»، - دەپ توقتالدى د. ابايەۆ.
سونىمەن قاتار ول قۇرىلعىلاردىڭ 2-3 پايىزى تىركەۋگە جاتپايتىنىن اتاپ ءوتتى. ولار كولىكتەردى ۇرىلاردان قورعايتىن اۆتودابىلدارعا قاتىستى.
«ءتيىستى ءتۇسىندىرۋ جۇمىستارى ءجۇرىپ جاتىر. بارلىق ۇيالى بايلانىس وپەراتورلارى بويىنشا مالىمەتتەر بار. مەنىڭ ويىمشا، بۇل باعىتتا پروبلەما تۋىندامايدى، سايكەسىنشە، جاڭا جىلدى مەرەكەلەۋ كەزىندە ادامدار بايلانىسسىز قالمايدى»، - دەپ ءتۇيدى مينيستر.
ەسكە سالا كەتسەك، 2019 -جىلدان باستاپ IMEI- كودىن تىركەمەگەن ابونەنتتەرگە ۇيالى بايلانىس قىزمەتى كورسەتىلمەيتىنىن حابارلاعان بولاتىنبىز. ياعني، جوعالعان تەلەفونداردى ىزدەۋ جۇمىستارىن جەڭىلدەتۋ، سونىمەن قاتار قىلمىستاردى تەرگەۋگە كومەك كورسەتۋ ماقساتىندا اعىمداعى جىلدىڭ سوڭىنا دەيىن قازاقستان تۇرعىندارى وزدەرىنىڭ ۇيالى قۇرىلعىلارىنا ج س ن- ىنە تىركەۋى قاجەت. 2019 -جىلدان باستاپ تىركەلمەگەن گادجەتتەرگە ۇيالى بايلانىس قىزمەتىن كورسەتۋ دوعارىلادى.
اۆتور: رۋسلان عابباسوۆ