11:51, 10 - جەلتوقسان 2018 | GMT +6
ۇكىمەت باسشىسى اشتىق جاريالادى
استانا. قازاقپارات - يسپانياداعى كاتالونيا ايماعى ۇكىمەتىنىڭ باسشىسى كيم توررا ەكى كۇندىك اشتىق جاريالادى.
ول مۇنداي قادامعا قاماۋداعى كاتالوندىق ساياساتكەرلەردىڭ ارەكەتىنە قولداۋ ءبىلدىرۋ ءۇشىن باردى. سەبەبى بۇعان دەيىن قاماۋداعى كاتالونيانىڭ بۇرىنعى باسشىلارىنىڭ تورتەۋى سوت شەشىمىنە قارسى اشتىق جاريالاعان.
تاماق ىشۋدەن باس تارتقاندار - ايماق ۇكىمەتىنىڭ مۇشەلەرى حوسەپ راۋل، جواكيم فورن جانە دەپۋتاتتار جوردي تۋرۋل مەن جوردي سانچەس.
ەسكە سالا كەتەيىك، وتكەن جىلدىڭ قازان ايىندا كاتالونيادا يسپانيادان ءبولىنىپ، تاۋەلسىز ەل قۇرۋ تۋرالى رەفرەندۋم وتكەن. ءبىراق مادريد بۇل شارانى زاڭسىز دەپ، ايماق باسشىلارىن قاماۋعا الدى. كاتالونيانىڭ كەي باسشىلارى باس ساۋعالاپ، شەتەلگە قاشتى.
www.24.kz