جاپونيا شەتەلدەن «مامان» شاقىرىپ جاتىر

استانا. قازاقپارات - جاپونيا پارلامەنتى ەكىنشى دۇنيەجۇزىلىك سوعىستان بەرى العاش رەت شەتەلدىك جۇمىسشىلاردى پايدالانۋعا سالىنعان تىيىمدى الىپ تاستادى.

 مۇنداي شەشىم جەرگىلىكتى تۇرعىندار قالاي بەرمەيتىن جۇمىستاردىڭ كوبەيۋىنە بايلانىستى قابىلداندى. ونىڭ ۇستىنە ەلدەگى بالا تۋۋ دەڭگەيى تومەندەپ، جاپونداردىڭ ءومىر ءسۇرۋ جاسى ۇلعايعان.

ەندى بيلىك شەتەلدىكتەردى قۇرىلىس، اۋىل شارۋاشىلىعى، ناۋقاستاردى كۇتۋ سەكىلدى ەكونوميكانىڭ 14 سالاسىندا قولدانۋدى كوزدەيدى. وسى ماقساتتا جاپون ءتىلىن بىلەتىن ازاماتتارعا 5 جىلدىق ۆيزا بەرىلمەك.

ايتا كەتەيىك، كۇن شىعىس ەلى شەتەلدىك جۇمىسشى كۇشىن قولدانۋدا ەڭ جابىق ەلدەردىڭ ءبىرى بولعان. وسى ۋاقىتقا دەيىن جاپونيا تەك مۋزىكانتتاردى، مۇعالىمدەردى جانە سپورت جاتتىقتىرۋشىلارىن قابىلداپ كەلگەن ەدى.

www.24.kz