دونالد ترامپ بۇرىنعى مەملەكەتتىك حاتشىعا سوگىس ايتتى
ونىڭ سوزىنشە، تيللەرسوندا ا ق ش ديپلوماتياسىن باسقاراتىن ادامعا ءتان قاسيەتتەر بولماعان. ترامپ قازىرگى مەملەكەتتىك حاتشى مايك پومپەونىڭ جۇمىسىن ماقتان تۇتاتىنىن ايتقان. بۇل تۋرالى ول Twitter الەۋمەتتىك جەلىسىندەگى پاراقشاسىندا جازدى.
رەكس تيللەرسون جۇما كۇنى CBS تەلەارناسىنا سۇحباتىندا پرەزيدەنت ترامپپەن قارىم- قاتىناسى قۇندىلىقتارعا قاتىستى ۇلكەن الشاقتىققا بولا بۇزىلعانى تۋرالى مالىمدەگەن. ءوز ايتۋىنشا، ول اق ءۇي باسشىسىنىڭ قويعان كەي تالاپتارى زاڭسىز ەكەنىن بىرنەشە رەت ەسكەرتكەن. الايدا تيللەرسون پرەزيدەنتتىڭ ناقتى قانداي تالاپتار قويعانىن اشىپ ايتپادى.
ترامپ تيللەرسوندى ا ق ش مەملەكەتتىك حاتشىسى قىزمەتىنەن ناۋرىزدا بوساتقان. رەكس تيللەرسون ا ق ش سىرتقى ساياسات مەكەمەسىن ءبىر جىلعا جۋىق باسقاردى. باسپاءسوز قۇرالدارىنىڭ حابارلاۋىنشا، پرەزيدەنتپەن ەكەۋىنىڭ اراسىندا سولتۇستىك كورەيا پروبلەماسى جانە يرانمەن جاسالعان يادرولىق كەلىسىم ماسەلەسىن شەشۋ جولدارىنا قاتىستى كەلىسپەۋشىلىك بولعان.
www.azattyq.org