قىتاي كاناداعا ەسكەرتۋ جاسادى
قىتاي ازاماتى ءارى Huawei كومپانياسىنىڭ نەگىزىن قالاۋشىنىڭ قىزى مىڭ ۋانجوۋدى كانادا بيلىگى ۆانكۋۆەر اۋەجايىندا جەلتوقساننىڭ 1- كۇنى ۇستاعان.
قىتاي سىرتقى ىستەر مينيسترلىگى كانادانىڭ بەيجىڭدەگى ەلشىسىن شاقىرتىپ، مىڭ ۋانجوۋدى قۋعىنداۋدى دەرەۋ توقتاتۋدى تالاپ ەتكەن.
ا ق ش بيلىگى مىڭ ۋانجوۋدى امەريكانىڭ يرانعا قاتىستى ساۋدا سانكسياسىن بۇزىپ، ساۋدا- ساتتىق جاساماقشى بولعان دەپ كۇدىكتەنەدى. وعان قارسى امەريكالىق بىرنەشە قارجى مەكەمەسىن الداۋ ماقساتىندا قيتۇرقىلىق جاساعان دەگەن ايىپ تاعىلعان. ا ق ش- قا ەكستراديتسيالانىپ، سوت ايىپتى دەپ تانىعان جاعدايدا مىڭ ۋانجوۋعا ۇزاق مەرزىمدى تۇرمە جازاسى تاعايىندالۋى مۇمكىن دەپ حابارلايدى Reuters.
كانادا سوتى ازىرشە مىڭ ۋانجوۋدى ا ق ش- قا ەكستراديتسيالاۋعا قاتىستى تۇپكىلىكتى شەشىم قابىلداعان جوق. ونىڭ ماسەلەسى بويىنشا سوت تىڭداۋى دۇيسەنبى كۇنى جالعاسپاق.
www.azattyq.org