قازاقستان مەن ا ق ش ستراتەگيالىق ىنتىماقتاستىق بويىنشا كەڭەيتىلگەن ديالوگ وتكىزەدى
وسى كۇندەرى استانا مەن ۆاشينگتون ستراتەگيالىق ىنتىماقتاستىق بويىنشا كەڭەيتىلگەن ديالوگ وتكىزەدى، دەپ حابارلايدى «قازاقپارات» ح ا ا ا ق ش مەملەكەتتىك دەپارتامەنتىنە سىلتەمە جاساپ.
ا ق ش مەملەكەتتىك دەپارتامەنتىنىڭ مالىمدەۋىنشە، ۋەللستەن تىس، قازاقستان استاناسىنا ا ق ش ۇلتتىق قاۋىپسىزدىك كەڭەسىنىڭ، USAID جانە وڭتۇستىك جانە ورتالىق ازيا ىستەرى جونىندەگى بيۋروسىنىڭ وكىلدەرىنەن قۇرالعان دەلەگاتسيا دا كەلەدى.
ساپار اياسىندا جاھاندىق جانە وڭىرلىك قاۋىپسىزدىك ماسەلەلەرىن تالقىلاۋ، لاڭكەستىككە قارسى ىنتىماقتاستىق، ەكونوميكالىق جانە ساۋدا كەلىسىمدەرى، C5+1 باستامالارى، ادام قۇقىقتارى جانە قۇقىق، سونداي- اق باسقا دا ماسەلەلەر تالقىلانادى.
ايتا كەتەيىك، بۇل قازاقستان پرەزيدەنتى نۇرسۇلتان نازاربايەۆتىڭ 2018 -جىلعى قاڭتارداعى ۆاشينگتونعا ساپارىنان كەيىن وتكەلى وتىرعان كەڭەيتىلگەن ستراتەگيالىق سەرىكتەستىك ديالوگى اياسىنداعى العاشقى رەسمي كەزدەسۋ. ەلباسىنىڭ سول جولعى ساپارىندا ا ق ش پەن قازاقستان اراسىنداعى ەكى جاقتى ىنتىماقتاستىقتى كەڭەيتۋدىڭ ناقتى جوسپارى بەلگىلەنگەن ەدى.
ا ق ش مەملەكەتتىك دەپارتامەنتىنىڭ باسپا ءسوز رەليزىندە ۆاشينگتون ءوزارا قاۋىپسىزدىك جانە امەريكا جانە قازاقستان حالىقتارىنىڭ گۇلدەنۋىنە قولعابىس ەتۋ ماقساتىندا استانامەن قارىم- قاتىناستارىن نىعايتۋدى كوزدەپ وتىرعانى ايتىلعان.