قازاقستانعا ساياحاتتاۋشى رەسەيلىكتەردىڭ سانى ارتتى

استانا. قازاقپارات - اناليتيچەسكوە اگەنتستۆو تۋرستات تالداۋ اگەنتتىگى رەسەيلىك تۋريستەردىڭ 2018 -جىلى قاي ەلدەرگە كوپ ساياحاتتاعانىن انىقتادى، دەپ حابارلايدى قازاقپارات.

 قازاقستان - رەسەيلىك تۋريستەر ءجيى ساياحاتتايتىن 5 ەلدىڭ ءبىرى. رەسەيلىكتەردىڭ قازاقستانعا تۋريستىك ساياحاتىنىڭ سانى بيىلعى 9 ايدا 2 ميلليون 310 مىڭعا جەتىپ، وتكەن جىلمەن سالىستىرعاندا 1 پايىزعا ءوستى.

تۋرستات مالىمەتىنشە، رەسەيلىك تۋريستەر ءجيى ساياحاتتايتىن 10 ەلدىڭ تىزىمىندە تۇركيا (4,907 مىڭ ساياحات)، ابحازيا (3,621 مىڭ)، فينليانديا (2,498 مىڭ)، قازاقستان (2,310 مىڭ)، ۋكراينا (1,793 مىڭ)، قىتاي (1,449 مىڭ)، ەستونيا (1,343 مىڭ)، گرۋزيا (979 مىڭ)، گەرمانيا (950 مىڭ) جانە يتاليا (849 مىڭ) بار.

اۋدارما: جانات قاپالبايەۆا