ءوز ءۇيىنىڭ اۋلاسىندا وق اتقان اۋىل تۇرعىنىنا ايىپپۇل سالىندى

پاۆلودار. قازاقپارات - ءوز اۋلاسىندا اتىس قارۋىنان وق اتقان جەلەزين اۋدانىنىڭ تۇرعىنىنا ايىپپۇل سالىندى، دەپ حابارلايدى قازاقپارات اۋداندىق سوتتىڭ باسپا ءسوز قىزمەتىنە سىلتەمە جاساپ.

جەلەزين اۋداندىق سوتى ەلدىمەكەندە اتىس قارۋىنان وق اتقان اۋدان تۇرعىنى ي- گە قاتىستى ءىستى قارادى. ءىس ماتەريالدارىنا سايكەس، ي. اقتاۋ اۋىلىندا، كەشكى ساعات 17.00 شاماسىندا ءوز ءۇيىنىڭ اۋلاسىندا اڭشىلىق مىلتىعىنان وق اتقان.

سوت وتىرىسىندا ي. كىناسىن تولىق مويىنداپ، سول كۇنى ۇيىندە شامامەن 1 ليتر سىرا ىشكەنىن ايتتى. سودان كەيىن ول اۋلاعا شىعىپ، قالدىقتاردى شوقىپ جۇرگەن قۇستاردى كورەدى. ۇيىنەن مىلتىعىن الىپ شىعىپ، قۇستارعا وق اتادى. ءوزىنىڭ ايتۋىنشا، ول الگى قارۋدى جارتى جىل بۇرىن تاۋىپ العان، سودان بەرى ۇيىندە ساقتاپ كەلىپتى.

سوت ۇكىمىمەن ي. كىنالى دەپ تانىلىپ، وعان 20 ا ە ك، ياعني  48100 تەڭگە كولەمىندە ايىپپۇل سالىندى. ال اڭشىلىق مىلتىعى مەملەكەت پايداسىنا تاركىلەندى.

 سوت ۇكىمى زاڭدى كۇشىنە ەنگەن جوق.