استانادا ۇلەسكەرلەردىڭ ماسەلەسى قالاي شەشىلىپ جاتىر؟
بۇل تۇرعىن ءۇي قۇرىلىسىنا ۇلەسكەرلىكپەن قاتىسۋ ماسەلەلەر جونىندەگى ۆەدومسۆتوارالىق كوميسسيانىڭ شەڭبەرىندە بىرلەسكەن ارەكەتتەر جوسپارىن ىسكە اسىرۋ ارقاسىندا مۇمكىن بولدى.
«وتىنىشتەردىڭ العاشقىسى 2015-جىلدىڭ باسىندا تۇسە باستادى، ءسويتىپ 100 دەن استام پروبلەمالى نىساننىڭ بارى انىقتالدى. ۆاك شەڭبەرىندە بىرلەسكەن ارەكەتتەر جوسپارى ازىرلەندى. وسى جىلدىڭ باسىندا ونىڭ سانى 62 نىسانعا دەيىن قىسقاردى. قالعاندارى پايدالانۋعا بەرىلدى. بۇگىن 62 نىساننىڭ ىشىندە اسا پروبلەمالى 29 نىسان بار. بۇلار - نەگىزىنەن قارجى ۇرلاۋدىڭ ناقتى فاكتىلەرى مەن مەردىگەرلەرگە قاتىستى قابىلدانعان شارالارى انىقتالعان وبەكتىلەر»، - دەدى جۋرناليستەرمەن كەزدەسۋدە استانا اكىمىنىڭ ءبىرىنشى ورىنباسارى سەرگەي حوروشۋن.
ونىڭ ايتۋىنشا، اتالعان وبەكتىلەر «نۇرلى جەر» باعدارلاماسىنىڭ اياسىندا سالىنادى.
ءۇش اپتا بۇرىن «ازبۋكا جيليا» گارانت ت ك قۇرىلىسىن اياقتاۋعا قاتىستى بايقاۋ وتكىزىلىپ، العاشقى جەتكىزۋشى انىقتالدى. كەلەسى جىلدىڭ 4-توقسانىندا وبەكتىنى پايدالانۋعا بەرۋ جوسپارلانىپ وتىر.
جالپى، س. حوروشۋننىڭ مالىمەتىنشە، «ۇلەسكەرلىك قۇرىلىس» تۋرالى كۇشىنە ەنگەننەن باستاپ 2016-جىلدىڭ قازانىندا استانادا ۇلەسكەرلەردىڭ قاراجاتىن تارتۋعا 88 رۇقسات بەرىلگەن بولاتىن. بۇگىنگى تاڭدا 30 نىسان پايدالانۋعا بەرىلدى. ول - شامامەن 5,5 مىڭعا جۋىق پاتەر. 16 مىڭنان استام پاتەرى بار 58 نىساننىڭ قۇرىلىسى ءجۇرىپ جاتىر.