15:52, 09 - جەلتوقسان 2018 | GMT +6
كاسىپ اشامىن دەگەن قىز-كەلىنشەكتەر ءۇشىن ارنايى نەسيە بار
استانا. قازاقپارات - ەلىمىزدىڭ كەي بانكتەرى ايەلدەرگە ارنايى باعدارلاما ازىرلەپ جاتىر، دەپ حابارلايدى قازاقپارات حابار 24 اگەنتتىگىنە سىلتەمە جاساپ.
بۇل تۋرالى استانادا وتكەن حالىقارالىق فورۋمدا ايتىلدى. مۇندا ت م د ەلدەرىنەن كەلگەن سارابدال ساراپشىلار بيزنەس جۇرگىزۋگە قاتىستى تاجىريبەلەرىمەن ءبولىستى.
دەلەگاتسيا وكىلدەرى تابىستى ءىس باستاۋعا بايلانىستى جوبالارىن تانىستىردى.
«نەسيە الۋعا نيەت تانىتىپ وتىرعان نازىك جاندار مىندەتتى تۇردە شاعىن نەمەسە ورتا بيزنەس وكىلى جانە قازاقستان رەزيدەنتى بولۋى شارت. ءبىزدىڭ جوبامىزدىڭ «بيزنەستىڭ جول كارتاسى - 2020» باعدارلاماسىنا تۇك قاتىسى جوق. سوندىقتان ءبىز كەز كەلگەن كاسىپتى قارجىلاندىرۋعا دايىنبىز»، - دەيدى ە ق د ب قازاقستان بويىنشا مەنەدجەرى الما قاسىموۆا.