10:38, 09 - جەلتوقسان 2018 | GMT +6
شورت-ترەكتەن الەم كۋبوگى: العاشقى مەدال يەگەرلەرى بەلگىلى بولدى
الماتى. قازاقپارات - الماتىدا ءوتىپ جاتقان شورت-ترەكتەن الەم كۋبوگىنىڭ ءۇشىنشى كەزەڭىندە 1 مىڭ 500 مەتر قاشىقتىقتاعى ايەلدەر اراسىندا جەڭىمپاز اتانعاندار بەلگىلى بولدى، دەپ حابارلايدى قازاقپارات ءتىلشىسى.
فينالدىق باسەكەگە قازاقستاندىق اناستاسيا كرەستوۆا قاتىستى. ول العاشقىدا سۋىرىلىپ شىققانىمەن جارتى جولدا كەيىن قالا باستادى.
قورىتىندىسىندا 2 مينۋت 25.636 سەكۋند كورسەتكىشپەن ءتورتىنشى ورىندى قاناعات تۇتتى. بۇل قاشىقتىقتا التىن كورەيالىق كيم گون حيگە (2 مينۋت 25.280 سەكۋند)، كۇمىس رەسەيلىك ەكاتەرينا ەفرەمەنكوۆاعا (2:25.460)، ال قولا قىتايلىق لي تسزين يۋيعا بۇيىردى.