ناسا العاش رەت مارستاعى جەلدىڭ دىبىسىن جازىپ الدى

None
None
استانا. قازاقپارات - امەريكانىڭ عالامشارارالىق InSight زوندى العاش رەت مارس جەلىنىڭ دىبىسىن جازىپ الىپ، جەرگە جىبەردى، دەپ حابارلايدى قازاقپارات NASA- عا سىلتەمە جاساپ.

ەسكە سالا كەتەيىك، 26- قاراشا كۇنى ا ق ش- تىڭ ۇلتتىق اۋەدە ۇشۋ جانە عارىش كەڭىستىگىن زەرتتەۋ باسقارماسىنىڭ (NASA) InSight اپپاراتى قىزىل عالامشارعا قونعان بولاتىن.

ءبىرىنشى جەلتوقساندا InSight اپپاراتىنىڭ داتچيكتەرى «جەلدىڭ ەكپىنىنەن تۋعان تومەن تەربەلىستى گۋىلدى» جازىپ العان.

جەل سولتۇستىك-باتىستان وڭتۇستىك-شىعىسقا قاراي سەكۋندىنا 5-7 مەتر جىلدامدىقپەن ەسكەن.

مارستى زەرتتەۋ عىلىمي باعدارلاماسىنىڭ باسشىسى بريۋس بانەردتتىڭ ايتۋىنشا، بۇل «جوسپاردان تىس قۋانىش» بولدى.

«ميسسيانىڭ باستى مىندەتتەرىنىڭ ءبىرى مارس بەتىندەگى قوزعالىس پارامەترلەرىن ولشەۋ ەدى. ارينە، بۇعان دىبىس تولقىندارىنان تۋعان قوزعالىس تا كىرەدى»، - دەيدى ول.

سوڭعى جاڭالىقتار