15:35, 08 - جەلتوقسان 2018 | GMT +6
ا ق ش- تا تيتۋلدىق بەلبەۋ ءۇشىن ايقاساتىن قازاقستاندىق نوكاۋتشى سالماق ولشەۋدەن ءوتتى
استانا. قازاقپارات - ەرتەڭ وستين قالاسىندا (ا ق ش، تەحاس شتاتى) قازاقستان وكىلدەرى دە قاتىساتىن بوكس كەشى بولادى، دەپ حابارلايدى Sports.kz.
21 جاستاعى يسكاندەر حارسان (4-0، 4 ك و) 19 جاستاعى امەريكالىق حورحە راموسپەن (6-0-1، 3 ك و) ەكىنشى جەڭىل سالماقتا جاستار اراسىندا WBC Intercontinental تيتۋلى ءۇشىن جەكپە-جەككە شىعادى.
ايقاس 8 راۋندتقا ەسەپتەلگەن. ەكىنشى قازاقستاندىق 24 جاستاعى اسحات جانتۇرسىنوۆ (2-0، 2 ك و). ونىڭ قارسىلاسى جەرگىلىكتى بوكسشى مايكل كورونادو (1-1-1) بولماق.
4 راۋندقا سوزىلاتىن بۇل جەكپە-جەك ءبىرىنشى اۋىر سالماقتاعىلار اراسىندا وتەدى. ءبىزدىڭ وتانداستارىمىز جەكپە-جەك الدىنداعى سالماق ولشەۋدەن ءوتتى.
ايتا كەتسەك، بوكس كەشى ءبىزدىڭ ۋاقىت بويىنشا 9- جەلتوقساندا تاڭەرتەڭ بولادى.