+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

وڭتۇستىكتىڭ قاسيەتتى ورىندارى تۋرالى كىتاپ ءۇش تىلدە شىقتى

8 جەلتوقسان 14:59 67
:ءبولىسۋ
وڭتۇستىكتىڭ قاسيەتتى ورىندارى تۋرالى كىتاپ ءۇش تىلدە شىقتى

تۇركىستان. قازاقپارات - تۇركىستاندا «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» مەن «وڭتۇستىكتىڭ قاسيەتتى ورىندارى: اڭىز-ءاپسانالار» اتتى قوس كىتاپتارى جارىق كوردى.

كىتاپتاردىڭ تۇساۋكەسەرىنە ارداگەرلەر مەن زيالى قاۋىم وكىلدەرى، وقىرماندار مەن عالىمدار، جۋرناليستەر جانە وزگە دە ازاماتتار قاتىستى، دەپ حابارلايدى قازاقپارات ءتىلشىسى.

تۇركىستان وبلىستىق ىشكى ساياسات باسقارماسى ۇيىمداستىرعان مادەني شارانى تۇركىستان وبلىسىنىڭ اكىمى جانسەيىت تۇيمەبايەۆ سالتاناتتى تۇردە اشىپ، «رۋحاني جاڭعىرۋ» باعدارلاماسى اياسىندا جارىق كورگەن تۋىندىلاردىڭ ماڭىزدىلىعىنا توقتالدى. قوس كىتاپتىڭ قۇندىلىعى تۋرالى ايتىپ ءوتتى.

«وبلىسىمىزدا 2 قۇندى كىتاپ جارىق كورىپ، تۇساۋى كەسىلگەلى تۇر. بۇل ەكى كىتاپ وقىرمان ءۇشىن وتە قاجەت دۇنيەلەر. ءبىز ءوز تاريحىمىز بەن تۋعان ولكەمىزدىڭ سان عاسىردان بەرى كەلە جاتقان شەجىرەسىن ءبىلۋ ارقىلى ۇلتتىق بولمىسىمىزدى، ۇلتتىق كودىمىزدى ساقتاي الامىز. بۇل كىتاپتار رۋحاني جاڭعىرۋ ءۇشىن وتە ماڭىزدى. قىسقاسى، مۇنداي كىتاپتار وقىرمانعا جەتىپ، رۋحاني قازىنادان ءاربىر ازامات سۋسىنداۋى ءتيىس»، - دەدى جانسەيىت تۇيمەبايەۆ.

ءۇش تىلدە شىعارىلعان «وڭتۇستىك قازاقستان وبلىسىنىڭ تاريحي ورىندارى مەن كيەلى جەرلەرى» اتتى كىتاپ-فوتوالبومدا تۇركىستان وبلىسىنىڭ تاريحي ورىندارى تۇگەل كورسەتىلگەن.

مۇندا كيەلى ورىندار مەن ەسكەرتكىشتەر تۋرالى قازاق، اعىلشىن جانە ورىس تىلدەرىندە مالىمەت بەرىلىپ، سۋرەتتەرمەن كومكەرىلگەن.

ال، «وڭتۇستىك قاسيەتتى ورىندارى: اڭىز-ءاپسانالار» اتتى كىتابىندا تۇركىستان وبلىسىنداعى اۋليە-امبيەلەر مەن ەل اۋزىنداعى تۇلعالار تۋرالى اڭىزدار مەن اڭگىمەلەر جازىلعان.

بۇل كىتاپتا كونە زامانداردان سىر شەرتەتىن ءاپسانالار مەن قىزىقتى دەرەكتەر مول. سونىمەن قاتار، وسى كۇنى «2017-جىل: ايشىقتى وقيعالار» اتتى كىتاپ تا وقىرمانعا جول تارتتى.

بۇل كىتاپتا وڭىردەگى وتكەن جىلعى ايرىقشا وقيعالار قامتىلعان.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات