+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاندىق سامبوشى الەم چەمپيوناتىنىڭ كۇمىس جۇلدەگەرى اتاندى

8 جەلتوقسان 14:27 33
:ءبولىسۋ
قازاقستاندىق سامبوشى الەم چەمپيوناتىنىڭ كۇمىس جۇلدەگەرى اتاندى

قىزىلوردا. قازاقپارات -  قىزىلوردالى بالۋان ەرنار قۋاندىق سەربيانىڭ نوۆي-ساد قالاسىندا جاس وسپىرىمدەر اراسىندا وتكەن سامبودان الەم چەمپيوناتىندا كۇمىس جۇلدەگەر اتاندى، دەپ حابارلايدى قازاقپارات ءتىلشىسى.

سىر سپورتشىسى الەم چەمپيوناتىندا ءتورت بەلدەسۋگە شىقتى. ونىڭ ۇشەۋىندە قارسىلاستارىن ايقىن باسىمدىقپەن قاپى قالدىردى. الدىمەن ۋكراين بالۋان جەڭسە، ودان كەيىن مولدوۆان جانە ارميان سپورتشىلارىنان باسىم ءتۇستى. فينالدا رەسەي بالۋانىنا ەسە جىبەرىپ قويدى.

الەم چەمپيوناتىنا دۇنيە ءجۇزىنىڭ 28 ەلىنەن بالۋاندار كەلدى. ءبىزدىڭ ەلىمىزدىڭ قۇراماسى 1 التىن، 3 قولا مەدال الىپ قايتتى.

«العا قويعان ماقساتىم كوپ. سولاردىڭ ءبىرى - جاستار اراسىنداعى الەم چەمپيوناتىندا باق سىناۋ. اتالمىش جارىستا جەڭىمپاز قاتارىنان كورىنۋگە كۇش سالسام دەيمىن»، - دەدى ەرنار قۋاندىق.

ەرنار سامبومەن بىرگە دزيۋدو جانە قازاق كۇرەسىنەن باق سىناپ كەلەدى. ول سامبو مەن قازاق كۇرەسىنەن ەل چەمپيونى اتانىپ ۇلگەردى. ال دزيۋدوان ەكى مارتە التىننان القا تاقتى. ونى جارىسقا ماقسات وسپانوۆ پەن دارحان سەرجانوۆ دايىندادى. بۇدان بۇرىن قىزىلوردالىق گرەك-ريم كۇرەسىنىڭ شەبەرى ايدوس سۇلتانعاليدىڭ ماجارستاندا وتكەن الەم بىرىنشىلىگىندە جۇلدەگەر اتانعانىن حابارلاعان ەدىك. سونداي-اق، ول قازاقپارات تىلشىسىنە بەرگەن سۇحباتىندا 2020-جىلعى وليمپيادادا ەل نامىسىن قورعاۋدى ماقسات ەتەتىنىن ايتقان ەدى.


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
مۇراعات