+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

اقتوبەدەگى كورمە: قۇماي تازىنىڭ باعاسى قانشا؟

8 جەلتوقسان 11:49 87
:ءبولىسۋ
اقتوبەدەگى كورمە: قۇماي تازىنىڭ باعاسى قانشا؟

اقتوبە. قازاقپارات - اقتوبە قالاسىندا قۇماي تازىلار كورمەسى ءوتتى. كورمەگە 50 گە جۋىق تازى اكەلىندى، دەپ حابارلايدى قازاقپارات ءتىلشىسى.

اقتوبەدە وبلىسى بويىنشا تازى اسىرىپ، باعىپ وتىرعاندار بۇگىن ورتالىققا جينالدى. ماقسات - قالا تۇرعىندارىنا تازىنى ناسيحاتتاپ، ونىڭ اڭ اۋلاپ، مال باعاتىن قاسيەتتەرىن ءتۇسىندىرۋ.

«وزىمدە 7 تازى ءيتى بار. اشارشىلىق جىلدارىندا ءبىر اۋىلدى اسىراعان تازى قازاقتىڭ برەندىنە اينالۋى ءتيىس. سوندىقتان بار، توق زاماندا ونى دارىپتەپ، ساقتاپ قالۋعا كۇش سالۋىمىز كەرەك. كورمە دە تازىنى دارىپتەپ، كەڭ تانىتۋعا ارنالعان. تازىنىڭ ءبارىن اڭشىلىق ماقساتتا پايدالانىپ ءجۇرمىن»، - دەدى تازى اسىراۋشى عابيت سەيىتجانوۆ.

ونىڭ ايتۋىنشا، تازى اسىرىپ وتىرعان اقتوبەلىكتەر پاتەنت الۋدى كوزدەپ وتىر. بۇل پايدا ءۇشىن ەمەس، ۇلتتىق برەندتى وزگەنىڭ مەنشىگىنە بەرمەۋ ءۇشىن اتقارىلىپ جاتقان جۇمىس.

«بيىل بايعانين اۋدانى «قاسقىر مالعا شاۋىپ، مازا بەرمەي جاتىر» دەگەن سوڭ بارىپ، كومەكتەستىك. تازى ەكى قاسقىر الدى. ەرەكشەلىگى، قاي اڭعا سالساڭ دا تازى الادى. تازىنىڭ ناقتى باعاسىن ايتۋ قيىنداۋ، ءبىراق اڭعا شىعا الاتىن تازىنى 1-2 مىڭ دوللارعا سۇرايدى»، - دەدى عابيت سەيىتجانوۆ.

ال تاعى ءبىر تازى اسىراۋشى اقتوبەلىك بەيبىتحان تۇمارعاليەۆ تازىنى پاتەنتتەۋگە قاتىستى پىكىر ءبىلدىردى.

«تازى اسىراپ، باعامىن دەگەن ادامعا كۇشىك كەزىندە تەگىن بەرەمىز. وسى ارقىلى تازى شارۋاشىلىعىن دامىتۋدى كوزدەپ وتىرمىز. جىلدامدىعى ساعاتىنا 70-80 شاقىرىم بولاتىن تازىنىڭ سانىن 1 مىڭنان اسىرۋ كەرەك. سوندا عانا پاتەنت الۋعا جول اشىلادى»، - دەيدى ول.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات