ساكەن مايعازيەۆتىڭ بايانسىز ماحاببات جايلى كليپى كوپتىڭ كوزىنە جاس كەلتىردى
تىڭدارماندار ءانشىنىڭ جاڭا جۇمىسىن جوعارى باعالاپ، وعان العىس ايتتى، دەپ جازادى Stan.kz.
«ساعىنىپ ءجۇرمىن» اتتى ترەكتىڭ سازىن - باۋىرجان بيماحان، ال ءسوزىن - رينات زايىتوۆ جازعان. ال كوپتىڭ جۇرەگىن ەلجىرەتكەن كليپتە باستى ءرولدى ءشارىپ سەرىك پەن بيبىگۇل ءسۇيىنشالينا سومداعان.
بەينەبايان جەلىسى ەكى عاشىقتىڭ ءبىر-بىرىنە دەگەن سەزىمىن سۋرەتتەيدى. رومانتيكا، ماحاببات - بارلىعى جاقسى. تەك جاۋاپتى ءسات كەلگەندە باستى كەيىپكەر قىز اپاتقا ۇشىرايدى. كاسىبي اكتەرلەردىڭ ويىنى مەن ساكەننىڭ ءانى ۇيلەسىمدىلىك تاپقان بۇل تۋىندى تىڭدارمانداردىڭ جۇرەگىن ەلجىرەتىپ جىبەردى.
«جىلاپ كورمەۋ مۇمكىن ەمەس»، «وتە اسەرلى ەكەن سوڭعى جاعى»، «ساكەن اعا، تاماشا ولەڭ، كەرەمەت كليپ. دەنەم تۇرشىگىپ كەتتى، جارايسىڭ»، «كوزگە جاس كەلتىرەتىن تۋىندى ەكەن»، - دەپ جىلى لەبىزىن ءبىلدىردى ولار.