نازاربايەۆ: پۋتين ۋكراينانىڭ شىعىس بولىگىن جاۋلاپ الۋدى ويلاپ وتىرعان جوق
ەلباسى بۇل تۋرالى «رەسەي 24» تەلەارناسىنا بەرگەن سۇحباتىندا ايتتى.
ەلباسى ۋكراينانىڭ رەسەيمەن بۇرىنعى قارىم-قاتىناستى قالپىنا كەلتىرەتىنىنەن ۇمىتتەنەدى. مەملەكەت باسشىسى پۋتيننىڭ ۋكراينانىڭ شىعىس جەرلەرىن باسىپ الۋدى جوسپارلامايتىندىعىن ءتۇسىندىردى.
«پۋتيننىڭ ۋكراينانىڭ ءبىر بولىگىن باسىپ الۋعا دەگەن نيەتى جوق ەكەنىن بىلەمىن، رەسەي ونسىز دا الەمدەگى ەڭ ۇلكەن اۋماققا يە»، - دەدى نۇرسۇلتان نازاربايەۆ.
قازاقستان پرەزيدەنتى ۋكراينا تۋرالى الاڭداۋشىلىق ءبىلدىرىپ، وعان بارلىق ماسەلەلەردى جەدەل شەشۋدى تىلەدى.
«مەن رەسەي مەن ۋكراينانىڭ اراسىنداعى قارىم-قاتىناستىڭ قالپىنا كەلۋىن قالايمىن، ياعني بارلىق ەلمەن قاتىناستىڭ جاقسارعانىن قالار ەدىم»، - دەدى پرەزيدەنت.
مەملەكەت باسشىسى سونداي-اق باسقا دا كوشباسشىلارمەن دوستىق قارىم-قاتىناستاردى ساقتاۋ كەز كەلگەن مەملەكەتتىڭ دامۋى ءۇشىن وتە ماڭىزدى ەكەنىن اتاپ ءوتتى.