دوپتى حوككەي: ورالدىڭ «اقجايىعى» تاعى ءبىر كەزدەسۋىندە ەسە جىبەردى

ورال. قازاقپارات - دوپتى حوككەيدەن جوعارى ليگا كوماندالارى اراسىندا بۇكىل رەسەيلىك جارىستىڭ كەزەكتى ماتچىن ورالدىڭ «اقجايىعى» سۆەردلوۆ وبلىسىندا «سكسو سكا-سۆەردلوۆسك» كومانداسىمەن وتكىزدى، دەپ حابارلايدى قازاقپارات ءتىلشىسى.

پەرۆوۋرالسكىدە وتكەن كەزدەسۋ 3:0 ەسەبىمەن اياقتالدى. ءبىرىنشى تايمدا ەسەپ اشىلماسا، ويىننىڭ ەكىنشى كەزەڭىندە ايدىن يەلەرى ءۇش گول سوقتى. ەگور احمانايەۆ قوس دوپتىڭ اۆتورى اتانسا، تاعى ءبىر گولدى دەنيس باگايەۆ ەنگىزدى.

سەنبى كۇنى كوماندالار ەكىنشى كەزدەسۋىن وتكىزەدى. وسىلايشا نيكولاي شاۆالدين جاتتىقتىراتىن ورالدىقتار سىرت ايدىندا وتكىزگەن بەس ماتچتىڭ بارىندە دە جەڭىلىس تاپتى.

ەسكە سالا كەتەيىك، بۇدان بۇرىن «اقجايىقتىڭ» ۆەرحني ۋفالەيدە «نيكەلشيكتەن» ەكى مارتە ۇتىلىپ قالعانىن جازعان بولاتىنبىز.