+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قىرىمبەك كوشەربايەۆ سىر وڭىرىندە ۋاقىت بەلدەۋىن شەگەرۋگە قاتىستى مالىمدەمە جاسادى

8 جەلتوقسان 13:17 123
:ءبولىسۋ
قىرىمبەك كوشەربايەۆ سىر وڭىرىندە ۋاقىت بەلدەۋىن شەگەرۋگە قاتىستى مالىمدەمە جاسادى

قىزىلوردا. قازاقپارات -  قىزىلوردا وبلىسىندا بيىلعى جىلدىڭ 21- جەلتوقسانىنان باستاپ ۋاقىت بەلدەۋى ءبىر ساعات كەيىنگە شەگەرىلەتىن بولدى.

قىزىلوردا وبلىسى اكىمدىگىنىڭ ۇسىنىسى مەملەكەت باسشىسى تاراپىنان قولداۋ تاۋىپ، قازاقستان رەسپۋبليكاسى ۇكىمەتىنىڭ قاۋلىسى قابىلداندى. وسى جونىندە وبلىس اكىمى قىرىمبەك كوشەربايەۆ وڭىردەگى ۋاقىت بەلدەۋىن ءبىر ساعات كەيىنگە وزگەرتۋ تۋرالى مالىمدەمە جاسادى، دەپ حابارلايدى قازاقپارات ءتىلشىسى.

«وبلىستى 5-ۋاقىت بەلدەۋىنەن 4-ۋاقىت بەلدەۋىنە كوشىرۋ، ياعني ايماقتاعى ۋاقىتتى ەسەپتەۋدىڭ قولدانىستاعى ءتارتىبىن ءبىر ساعات كەيىنگە وزگەرتۋ ايماقتىڭ تابيعي- گەوگرافيالىق جانە الەۋمەتتىك-ەكونوميكالىق جاعدايىنا نەعۇرلىم وڭتايلى شەشىم بولىپ تابىلاتىنى جايلى وبلىس اكىمدىگىنىڭ ۇسىنىسى مەملەكەت باسشىسى تاراپىنان قولداۋ تاۋىپ، قازاقستان رەسپۋبليكاسى ۇكىمەتىنىڭ قاۋلىسى قابىلداندى»، - دەدى قىرىمبەك كوشەربايەۆ.

وبلىس اكىمىنىڭ ايتۋىنشا، ۋاقىتتى ەسەپتەۋ ءتارتىبىن وزگەرتۋدىڭ ورىندىلىعى تۋرالى ماسەلە بەيىندى ينستيتۋتتار مەن مۇددەلى مەملەكەتتىك ورگانداردىڭ ۇستانىمدارى ەسكەرىلە وتىرىپ زەردەلەندى، ولار  قىزىلوردا وبلىسىنىڭ اۋماعىنداعى ۋاقىت بەلدەۋىن 5-شىدەن 4-ۋاقىت بەلدەۋىنە وزگەرتۋ قاجەتتىلىگىن قولدادى. قازاقستان رەسپۋبليكاسىنداعى استرونوميا جانە استروفيزيكا سالاسىنداعى ىرگەلى زەرتتەۋلەر جونىندەگى جەتەكشى عىلىمي مەكەمە - «ۆ. گ. فەسەنكوۆ اتىنداعى استروفيزيكا ينستيتۋتىنىڭ» قورىتىندىسىنا سايكەس  قىزىلوردا وبلىسىنىڭ اۋماعى 59° جانە 68° بويلىق ارالىعىندا ورنالاسقان، بۇل 4-ۋاقىت بەلدەۋىنە جاتادى جانە استانا ۋاقىتىنان ءبىر ساعاتتان اسا ايىرماشىلىعى بار.

بۇدان باسقا، ءبىلىم جانە عىلىم مينيسترلىگىنىڭ ادام جانە جانۋارلار فيزيولوگياسى ينستيتۋتىنىڭ اقپاراتى بويىنشا ۋاقىت بەلدەۋىن وزگەرتۋ  قىزىلوردا وبلىسى تۇرعىندارىنىڭ اسىرەسە بالالاردىڭ دەنساۋلىعىنا اسەر ەتەتىن فيزيولوگيالىق اۋىتقۋدى جويۋعا مۇمكىندىك بەرەدى.

«سونىمەن بىرگە، قازاقستان رەسپۋبليكاسىنىڭ ۇلتتىق ەكونوميكا، دەنساۋلىق ساقتاۋ، ەنەرگەتيكا، ىشكى ىستەر، ينۆەستيتسيالار جانە دامۋ مينيسترلىكتەرى  قىزىلوردا وبلىسىنداعى ۋاقىت بەلدەۋىن وزگەرتۋ ۇسىنىسىن تولىق قولدادى، بۇل ماسەلەنىڭ ەكونوميكالىق شىعىندارعا اكەلمەيتىندىگى بەلگىلى بولىپ وتىر. ال، ەنەرگەتيكا سالاسى بويىنشا ەكونوميكالىق باعامدى زەرتتەۋ بارىسىندا ەلەكتر ەنەرگياسىن تۇتىنۋ 4,2 پايىزعا ۇنەمدەلەتىنى انىقتالدى»، - دەدى وبلىس اكىمى.

جالپى،  قىزىلوردا وبلىسىنىڭ اۋماعىندا ۋاقىت بەلدەۋىن بۇرىنعى قالپىنا كەلتىرۋ ەشقانداي قارجىلاي شىعىندى تالاپ ەتپەيتىنى جانە الەۋمەتتىك- ەكونوميكالىق ناتيجەلەردىڭ وڭ باعىتتا ىلگەرىلەۋىن، ازاماتتاردىڭ دەنساۋلىعىنا اسەر ەتەتىن فيزيولوگيالىق تەپە-تەڭدىكتى جاقسارتۋدى كوزدەيتىنى تولىق دالەلدەندى.

ءسويتىپ، ماسەلەنىڭ وزەكتىلىگىن ەسكەرە وتىرىپ، وبلىس اۋماعىندا ۋاقىتتى ەسەپتەۋدىڭ قولدانىستاعى ءتارتىبىن اعىمداعى جىلدىڭ 21- جەلتوقسانىنان باستاپ ءبىر ساعات كەيىنگە وزگەرتۋ تۋرالى ۇسىنىس قولداۋ تاپتى.

«ارداقتى اعايىن! ءاربىر تۇرعىن مەملەكەتتىك ورگانداردىڭ جۇرگىزىپ جاتقان جۇمىستارىنىڭ ءمانىن جانە ولاردىڭ ەل ءۇشىن جاسالىپ جاتقان ماڭىزىن جەتە تۇسىنۋگە ءتيىس، جۇمىستاردى ناتيجەلى جۇزەگە اسىرۋ ءۇشىن قوعامىمىزدىڭ ورتاق ماقساتقا جۇمىلۋى دا ماڭىزدى. ال، وسى ماسەلەنى، ايتا كەتۋ كەرەك، الەۋمەتتىك جەلىدە ساياسيلاندىرىپ، حالىق اراسىندا بيلىككە دەگەن رەنىش تۋدىرۋعا كەيبىر تالپىنعاندار دا بولدى. مۇنى بيلىكتىڭ ءوزى شەشىپ جاتقان ماسەلەسىن پايدالانىپ، ارزان بەدەل جيناۋ ارەكەتى دەپ بىلەمىن. قۇرمەتى جەرلەستەر! ءارقاشان اۋىزبىرشىلىگىمىز مىقتى بولىپ، ءبىر زاماندا، ءبىر مۇددەدە، ءبىر ۋاقىتتا، ءبىر جاعادان باس، ءبىر جەڭنەن قول شىعارىپ، جۇدىرىقتاي جۇمىلعان قالپىمىزدى ساقتاي بىلەيىك! ءسىز بەن ءبىزدىڭ بىرلىكتە اتقارعان ىستەرىمىز لايىم ناتيجەلى بولا بەرسىن! وسى مۇمكىندىكتى پايدالانا وتىرا سىزدەردى كەلە جاتقان تاۋەلسىزدىك مەرەكەسىمەن جانە جاڭا جىلمەن شىن جۇرەكتەن قۇتتىقتاپ، ءاربىر وتباسىنا اماندىق، باقىت، جاڭا تابىستار تىلەيمىن!»، - دەدى  قىزىلوردا وبلىسىنىڭ اكىمى قىرىمبەك كوشەربايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات