+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ارىستانبەك مۇحامەدي ۇلى تۋريزمدى دامىتۋعا قاي سالانىڭ ماماندارى تارتىلاتىنىن ايتتى

7 جەلتوقسان 22:32 58
:ءبولىسۋ
ارىستانبەك مۇحامەدي ۇلى تۋريزمدى دامىتۋعا قاي سالانىڭ ماماندارى تارتىلاتىنىن ايتتى

استانا. قازاقپارات - بۇگىن استانادا Travel Media Talks فورۋمىندا ق ر مادەنيەت جانە سپورت ۆيتسە-ءمينيسترى اقتوتى رايىمقۇلوۆا وسى ۆەدومستۆونىڭ ءمينيسترى ارىستانبەك مۇحامەدي ۇلىنىڭ بايانداماسىن وقىپ بەردى.

مينيستر فورۋم قاتىسۋشىلارىنا قازاقستاندا تۋريزم سالاسىن دامىتۋدىڭ ءمان- جايىن اتادى، دەپ حابارلايدى قازاقپارات.

«سوڭعى ونجىلدىقتا الەمدىك تۋريزم قارقىندى دامىپ كەلە جاتىر، جاھاندىق ەكونوميكالىق داعدارىستار كەزىندە دە بۇل سالا ەكونوميكادا تۇراقتاندىرۋشى رەتىندە ىقپال ەتتى»، - دەدى مينيستر.

سونىمەن قاتار ول بۇگىندە تۋريزمدى دامىتۋ بويىنشا ۆەدومستۆو ازىرلەپ جاتقان باعدارلاما تۋرالى ايتىپ بەردى.

«تۋريزم سالاسىنىڭ ءوسىم قارقىنى الەمدىك ەكونوميكا سالاسىنىڭ ءوسىم قارقىنىنان ءبىر پايىزعا ىلگەرى بولادى دەپ كۇتىلۋدە. وسى سالا قازاقستان ەكونوميكاسى ءۇشىن دە ماڭىزدى بولىپ تۇر. وتاندىق تۋريستىك يندۋستريانى دامىتۋ ءۇشىن مەملەكەت باسشىسىنىڭ تاپسىرماسىمەن ءتيىستى مەملەكەتتىك باعدارلاما ازىرلەنۋدە»، - دەدى ا. مۇحامەدي ۇلى.

ونىڭ سوزىنە قاراعاندا، مەملەكەتتىك باعدارلامانىڭ نەگىزگى باعىتى رەتىندە ىشكى جانە شەتەل تۋريستەرىن لايىقتى دەڭگەيدە اقپاراتتاندىرۋ بەلگىلەنگەن.

«ۇزاق ۋاقىت بويى تۋريستىك برەندتى ىلگەرىلەتۋگە جەتكىلىكتى دەڭگەيدە كوڭىل بولىنبەدى. ناتيجەسىندە، اقپاراتتىق ۆاكۋم تۋىندادى. بۇل تۇرعىدا ب ا ق-تى، سالماقتى ۇسىنىس جاساي الاتىن ادامداردى، فوتوگرافتاردى، ساياحاتشىلاردى جانە تۋريزم ماماندارىن جۇمىلدىرساق، وندا وسى ۆاكۋمدى تۋريزم ءۇشىن وزەكتى، قىزىقتى ءارى پايدالى كونتەنتپەن تولىقتىرا الامىز. سوندىقتان بۇل فورۋمعا مەديايندۋستريانىڭ، تۋريستىك سالانىڭ وكىلدەرىن، شەتەلدىك ساراپشىلاردى شاقىردىق»، - دەدى ول.

وسى ورايدا ۆەدومستۆو باسشىسى جاھاندىق تسيفرلاندىرۋ جاعدايىندا تۋريزمدى ىلگەرىلەتۋدىڭ وزەكتى جولدارىن تالقىلاي وتىرىپ، قازاقستاندا بۇل سالانى دامىتۋعا ءتيىمدى شەشىمدەر جاساۋعا بولاتىندىعىن اتاپ ءوتتى.


ارىستانبەك مۇحامەدي ۇلى تۋريزمدى دامىتۋعا قاي سالانىڭ ماماندارى تارتىلاتىنىن ايتتى


:ءبولىسۋ

اأتور:

novasa

ونلاين قىزمەتكەرلەر
مۇراعات