پىسكەن ناندى ساقتاۋدىڭ جولدارى
كوپ ادامدار نان دىمقىلدىق جوقتىقتان قۇرعاپ كەتەدى دەپ ويلايدى. وسى ويدىڭ جەتەگىمەن توڭازىتقىشقا سالىپ قويۋ دۇرىس شەشىم دەپ ويلاساڭىز، قاتەلەسەسىز. كەيدە نان دىمقىل ورتادا بۇزىلىپ كەتىپ جاتادى. اسىرەسە، نولدەن تومەن تەمپەراتۋرادا تەز قۇرعايدى.
ياعني، توڭازىتقىشقا سەنۋ ارقىلى وسى ۇدەرىستى ودان ارمەن تەزدەتىپ جىبەرىپ وتىرسىز. نان قۇرامىنداعى كراحمالدان دىمقىلدىلىق كەتكەندە، بويىنداعى مولەكۋلالار وزگەرىسكە تۇسەدى دە، ناتيجەسىندە قاتايىپ، باستاپقى قالپىن جوعالتادى. دەي تۇرعانمەن، توڭازىتقىش تەمپەراتۋراسىنىڭ كوگەرۋ پروتسەسىن باياۋلاتاتىندىعى اقيقات.
ناندى ساقتاۋداعى باسقا دا قاتەلىكتەر:
1. پوليەتيلەن قاپشىقتاردا ساقتاۋعا؛
2. جىلىتۋ جۇيلەرىنە جاقىن جەردە ساقتاۋعا؛
3. كۇن ساۋلەسى جاقسى تۇسەتىن جەردە ساقتاۋعا بولمايدى.
سونداي-اق، قارا نان مەن اق ناندى بىرگە ساقتاۋشى بولماڭىز. ولاي بولعان جاعدايدا، تەز كوگەرىپ كەتەتىن بولادى.
ناننىڭ جاقسى ساقتالۋى ءۇشىن قالتاعا تازالانعان كارتوپ ءتىلىندىسىن، كەسىلگەن المانى، ازداعان تۇزدى نەمەسە قانت ءتۇيىرىن سالىپ قويعان ءجون. ارينە، ۋاقىتىسىندا اۋىستىرىپ تۇرۋدى ۇمىتپاۋ كەرەك. ناندا جاعىمسىز يىستەر پايدا بولا باستاسا، ليمون قابىعىنا جۇگىنىڭىز.
نانىڭىز باستاپقى قالپىندا ۇزاق ساقتالسىن دەسەڭىز، بولكەنى باسىنان ەمەس، ورتاسىنان كەسىڭىز، سونان كەيىن كەرەگىڭىزشە ورتاسىنان باستاپ كەسىپ العان دۇرىس. بولعاننان كەيىن ەكى بولىكتى ءبىر-بىرىنە بەتتەستىرىڭىز. زىعىردان نەمەسە كەنەپتەن جاسالعان سۇلگىلەرگە وراپ قويساڭىز، قۇرعاقتىقتىڭ الدىن الۋعا مۇمكىندىگىڭىز بار. ناندى مەتالل ىدىسقا ەمەس، اعاش ىدىسقا سالىپ جەۋ ناننىڭ ۇزاق ۋاقىت ساقتالۋىن قامتاماسىز ەتە الادى.
قۇرعاق ناندى قالپىنا كەلتىرىڭىز
ناننىڭ قۇرعاپ كەتۋى قالىپتى قۇبىلىس، كەيدە ونىڭ الدىن الىپ ۇلگەرە دە المايمىز. ەگەر وسىنداي قيىندىققا تاپ بولىپ جاتساڭىز، ناندى تاستاۋعا اسىقپاڭىز. ونى قايتادان پايداعا اسىرۋعا بولادى. ماسەلەن، دۋحوۆكانىڭ كومەگىنە جۇگىنەيىك. ول ءۇشىن ناندى جايپاق قاڭىلتىرعا سالىپ، سۋ بۇركيسىز دە، الدىن الا ىسىتىلعان دۋحوۆكاعا قالدىراسىز.
ناندى بۋعا جۇمسارتۋعا دا بولادى. نان كەسىندىلەرىن ەلەگىشكە قويىپ، كاسترولدەگى سۋدىڭ بەتىنە قوياسىز (سۋعا تيمەۋ كەرەك)، قاقپاعىن ەلەگىشتىڭ بەتىنەن جاۋىپ، قايناتىپ قويىڭىز. بىرنەشە مينۋتتان كەيىن باستاپقى جۇمساقتىعىمەن قاۋىشاتىن بولادى.
ال ءسىز ناندى ساقتاۋدىڭ قانداي جولدارىن بىلەسىز؟