+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

مەملەكەتتىك قىزمەتشى وزىنە سىيلىق بەرىلگەن جاعدايدا نە ىستەۋى كەرەك

7 جەلتوقسان 20:31 48
:ءبولىسۋ
مەملەكەتتىك قىزمەتشى وزىنە سىيلىق بەرىلگەن جاعدايدا نە ىستەۋى كەرەك

كوكشەتاۋ. قازاقپارات - اقمولا وبلىسىندا مەملەكەتتىك قىزمەتشىلەرگە سىيلىق قابىلداۋعا قويىلعان شەكتەۋلەر ءتۇسىندىرىلدى، دەپ حابارلايدى قازاقپارات ءتىلشىسى.

«وسىعان دەيىن دەپارتامەنت اقمولا وبلىسىنىڭ مەملەكەتتىك ورگاندارىنا مەملەكەتتىك قىزمەتشىلەردىڭ جەمقورلىققا قارسى شەكتەۋلەردى ساقتاۋى تۋرالى حات جولداعان بولاتىن. ونىڭ ىشىندە قىزمەتتىك وكىلەتتىكتى ورىنداۋ كەزىندە سىيلىق الماۋىنا جانە كەلىسىمسىز بەرىلگەن سىيلىقتى جەتى جۇمىس كۇن ىشىندە ارنايى مەملەكەتتىك قورعا تاپسىرۋ قاجەت»، دەپ اتاپ ءوتتى وڭىرلىك كوممۋنيكاتسيالار قىزمەتىندە وتكەن بريفينگتە مەملەكەتتىك قىزمەت سالاسىنداعى باقىلاۋ باسقارماسىنىڭ باسشىسى قايىرجان سۇلتانعازيەۆ.

سونىمەن قاتار، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتىگىنىڭ تاپسىرماسىنا سايكەس اتالمىش دەپارتامەنت قوعام وكىلدەرىمەن بىرلەسىپ، تۇراقتى تۇردە اقمولا وبلىسىنىڭ مەملەكەتتىك ورگاندارىندا الدىن الۋ شارالارىن جۇرگىزىپ كەلەدى. مەملەكەتتىك قىزمەتشىلەر اراسىندا ءتۇسىندىرۋ جۇمىستارىن جۇزەگە اسىرادى.

«مەملەكەتتىك قىزمەتشىلەرگە وزدەرىنىڭ مەملەكەتتىك نەمەسە سوعان تەڭەستىرىلگەن فۋنكتسيالارىن اتقارۋعا بايلانىستى قىزمەت بابىندا وزدەرىنە مەملەكەتتىك قىزمەتشىلەردەن جانە وزگە ادامداردان سىيلىقتاردى نەمەسە كورسەتىلەتىن قىزمەتتەردى قابىلداۋىنا تىيىم سالىنادى. مەملەكەتتىك قىزمەتشىنىڭ كەلىسىمىنسىز بەرىلگەن، سونداي-اق، ونىڭ ءتيىستى فۋنكتسيانى ورىنداۋ كەزىندە العان سىيلىق جەتى كۇننىڭ ىشىندە قايتارىمسىز ارنايى مەملەكەتتىك قورعا تاپسىرىلۋى ءتيىس»، - دەپ تولىقتىردى قايىرجان سۇلتانعازيەۆ.

«قازاقستان رەسپۋبليكاسىنىڭ مەملەكەتتىك قىزمەتى تۋرالى» ق ر زاڭىنا سايكەس سىيلىق الۋ جانە بەرۋ مەملەكەتتىك قىزمەتتىڭ بەدەلىن تۇسىرەتىن ءتارتىپ بۇزۋشىلىق رەتىندە قاراستىرىلادى. بۇعان جول بەرگەن مەملەكەتتىك قىزمەتشى زاڭمەن تارتىپتىك جاۋاپكەرشىلىككە تارتىلادى، ءتىپتى بولماسا، مەملەكەتتىك قىزمەتىنەن قۋىلادى. سىيلىق العان جانە بەرگەنى ءۇشىن تارتىپتىك جاۋاپكەرشىلىكتەن بولەك، اكىمشىلىك جانە قىلمىستىق جاۋاپكەرشىلىك قاراستىرىلعان. اتالعان زاڭبۇزۋشىلىقتار جەمقورلىق بولىپ سانالادى.

«جىل باسىنان بەرى دەپارتامەنت قىزمەتكەرلەرى وكىلەتتى نەمەسە سوعان تەڭەستىرىلگەن فۋنكسيالاردى اتقاراتىن تۇلعالارعا زاڭسىز ماتەريالدىق سىياقى بەرگەن جەكە تۇلعالارعا قاتىستى اكىمشىلىك قۇقىق بۇزۋشىلىق تۋرالى 3 حاتتاما تولتىردى. ال، ق ر باس پروكۋراتۋراسىنان الىنعان ماتەريالدار نەگىزىندە لاۋازىمدى تۇلعاعا ۇيالى تەلەفون سىيلاعان ەكى تۇلعاعا قاتىستى ق ر ا ق ب ك 676-بابى بويىنشا اكىمشىلىك قۇقىقبۇزۋشىلىق تۋرالى حاتتاما تولتىرىلدى. اتالمىش تۇلعالاردىڭ ءار بىرەۋى 240 500 تەڭگە كولەمىندە ايىپپۇل تولەدى. سونىمەن قاتار، سوت كەڭسەسىنىڭ قىزمەتكەرىنە 2 مىڭ تەڭگە اقشا بەرگەن تۇلعا دا اكىمشىلىك جاۋاپكەرشىلىككە تارتىلدى. سوت ۇكىمىمەن اتالمىش ازامات ق ر ا ق ب ك 676-بابى بويىنشا كانىلى دەپ تانىلىپ، 481000 تەڭگە ايىپپۇل سالىندى»، - دەپ ءتۇسىندىردى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ باسپا ءسوز حاتشىسى.


:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات