قازاقستان جولدارىندا جاپونيانىڭ قاردان قورعايتىن قورشاۋلارى سالىنۋى مۇمكىن
جۇمىس ساپارىنىڭ بارىسىندا قوعام وكىلدەرى تروستى قورشاۋلاردى دايىنداۋمەن اينالىساتىن «سۋچيۋرا Tokyo Rope» زاۋىتىنا بارىپ، سونداي-اق توكيو جانە دجوبان اۆتوباندارىمەن تانىستى. قازاقستاندىق قوناقتارعا جاپوندىق كومپانيانىڭ تەحنولوگياسى مەن ونىمدەرى قولدانىلىپ سالىنعان، قاردىڭ جول ۇستىنە جينالماي، اسىپ كەتۋىنە مۇمكىندىك بەرەتىن قورشاۋلاردىڭ كونسترۋكسيالىق ەرەكشەلىگى تانىستىرىلدى.
تەمىرارقاندى قورشاۋلار قازاقستاندا قولدانىلۋى ءۇشىن ولاردىڭ تەحنيكالىق تارتىپكە سايكەس كەلۋى مىندەتتى شارت بولىپ تابىلادى. ارقاندار قولدانىلاتىن قورشاۋلار ۇلتتىق عىلىمي-زەرتتەۋ ورتالىعىندا جول قوزعالىسى قاۋىپسىزدىگىنىڭ زەرتحاناسىندا جۇرگىزىلگەن سىناقتار بارىسىندا ۇسىنىلعان نورماتيۆتەرمەن رەتتەلەدى. جۇرگىزىلگەن جۇمىستاردىڭ ناتيجەسىندە قازاقستاننىڭ اۋا رايى جاعدايىنا بايلانىستى قاردان قورعايتىن قورشاۋلاردى جاساپ شىعارۋ كەلىسىلگەن.
«قازاۆتوجول» وكىلدەرى توكيودا «تەحنو-جارمەڭكە 2018» جول ونىمدەرى كورمەسىنە دە باردى.
جۇمىس ساپارىنىڭ سوڭىندا «قازاۆتوجول» TOKYO ROPE INTERNATIONAL INC كومپانياسىمەن ءوزارا ىنتىماقتاستىق تۋرالى مەموراندۋمعا قول قويدى.