+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

التايدىڭ ارحەولوگيالىق مۇراسى التى قۇرلىققا تانىستىرىلادى

7 جەلتوقسان 18:53 37
:ءبولىسۋ
التايدىڭ ارحەولوگيالىق مۇراسى التى قۇرلىققا تانىستىرىلادى

 استانا. قازاقپارات - ارحەولوگيانى دامىتۋعا ارنالعان وڭىرلىك باعدارلامانىڭ ارقاسىندا شىعىس قازاقستاندا سوڭعى ءۇش جىلدىڭ ىشىندە كوپتەگەن جادىگەرلەر تابىلدى. ەندى سول قازىنا الەم مۋزەيلەرىنە قويىلماق، دەپ حابارلايدى قازاقپارات ءتىلشىسى.

اتالمىش جاعىمدى جاڭالىقتى وبلىس اكىمى دانيال احمەتوۆ و ك ق- دا وتكەن بريفينگتە ايتتى. اكىمنىڭ ايتۋىنشا، وڭىردە «شىعىس قازاقستاننىڭ كونە قازىنالارى» اتتى جوبا دايىندالىپ جاتىر. بۇل جوبا زەينوللا ساماشيەۆ، ابدەش تولەۋبايەۆ باستاعان ارحەولوگتارعا شىلىكتى، بەرەل، ەلەكە سازى قورىمدارىنان تابىلعان جادىگەرلەردى الەم نازارىنا كەڭ اۋقىمدا ۇسىنۋعا مۇكىندىك بەرەدى.

«ءۇش جىلدىق ىزدەنىستىڭ باستى جەتىستىگى - تارباعاتاي اۋدانىنىڭ ەلەكە سازى جايلاۋىنان تابىلعان 17-18 جاستاعى «التىن ادام» . اقسۇيەك جىگىت ءبىزدىڭ زامانىمىزعا دەيىنگى VIII- VII عاسىرلاردا ءومىر سۇرسە كەرەك. وبلىس تۇرعىندارى مەن قوناقتار بۇل جادىگەرلەردى وسكەمەندە سالىناتىن «ارحەولوگيا جانە قازىرگى زامان ونەرى» مۋزەيىنەن كورەتىن بولادى» ، - دەدى دانيال احمەتوۆ.

وبلىس باسشىسىنىڭ سوزىنە سەنسەك، قۇرىلىستىڭ جوبالىق- سمەتالىق قۇجاتتارى كەلەسى جىلى دايىن بولماق. ال الەم نازارىن اۋدارۋ ءۇشىن لوندون، ماسكەۋ، قازان، تاشكەنت قالالارىندا كوشپەلى كورمەلەر ۇيىمداستىرىلاتىن بولادى. ەلباسىنىڭ «ۇلى دالانىڭ جەتى قىرى» ماقالاسىنىڭ ماڭىزىن اتاعان دانيال احمەتوۆ وسى باعىتتاعى جۇمىستار ءارى قاراي جالعاساتىنىن مالىمدەدى.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات