+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ۇلتتىق ورەدە ويلاۋ جەتى اتادان باستالادى

7 جەلتوقسان 17:05 85
:ءبولىسۋ
ۇلتتىق ورەدە ويلاۋ جەتى اتادان باستالادى

 استانا. قازاقپارات - ​«جەتى اتاسىن بىلگەن جەتى جۇرتتىڭ قامىن جەيدى» دەگەن اتالى ءسوز بار.

جەتى اتا: 1. بالا. 2. اكە. 3. اتا. 4. ارعى اتا. 5. بابا. 6. ءتۇپ اتا. 7. تەك اتا.

جەتى ۇرپاق. گازەت- جۋرنالداردا دا، كىتاپتاردا دا جەتى اتانى كوبىنە بىلاي ءبولىپ كەلەدى:

قىزدان تارعان: قىز، جيەن، جيەنشار، كوگەنشار، دەگەنشار، جۇرەجات، تۋاجات؛ ۇلدان تاراعان: بالا، نەمەرە، شوبەرە، شوپشەك، نەمەنە، جەگجات، جۇراعات.

جەتى اتادان اسقاسىن، جاماعايىن، قايمانا، اعايىن بولىپ جالعاسادى. شەشەنىڭ ناعاشىسى ءتۇپ ناعاشى؛ اكەنىڭ ناعاشىسى تەك ناعاشى اتالادى.

جەتى اتادان تاراعان ۇرپاق جەتى رۋلى ەلگە اينالاتىنى بەلگىلى. قازاقى تاربيە كورىپ، بەكزاتتىق پەن تەكتىلىكتى تۋ ەتكەن ازامات جەتى اتا مەن جەتى ۇرپاقتان تاراعان، وسكەن اۋلەتتەردى جانە رۋلاردى ءوزىنىڭ قانداس تۋىسى رەتىندە تانيدى.

سونىمەن بىرگە بەلگىلى دارەجەدە تۋىستىق جاۋاپكەرشىلىكتى ارقالايدى. ال وعان ءوز جۇرتىن، ناعاشى جۇرتىن جانە قايىن جۇرتىن قوسىڭىز. تىپتەن، «قۇدا مىڭ جىلدىق» دەپ قۇدالاردى قوسساڭىز، كۇللى تايپا مەن حالىقتىڭ جۇگى - ءوز تۋىسقانىڭىزدىڭ جۇگى بولىپ شىعا كەلەدى.

مىنە، ناعىز ۇلتتىق ورەدە ويلاۋ دەگەن وسى! ۇلتتىق ورەدە ويلاۋ تۋىستىق سەزىمنەن باستالادى. رۋدى الدە كىمدەردىڭ ءوز جىمىسقى مۇددەسى ءۇشىن پايدالانۋى - ساياسي الايااقتىق.

مىسالى، ءسىز 35 جاستا بولىپ، 3 بالاڭىز بولسا، ءار بالادان ورتا ەسەپپەن 3 بالادان ۇرپاق قالادى دەپ ەسەپتەسەك جانە ءار 35 -جىلدى ءبىر اتا كەتەتىن ءداۋىر دەپ ەسەپتەسەك، جەتىنشى اتاعا بارعاندا قانداس تۋىستىڭ سانى 6561 بولادى، سەگىزىنشى اتادا 19618 ادام بولادى ەكەن. ەگەر ءار ادام ورتاشا ەسەپپەن 4 بالادان ۇرپاق جالعايدى دەپ ەسەپتەسەك، جەتىنشى اتاعا بارعاندا 65 536، سەگىزىنشى اتاعا بارعاندا 262144 تۋىسىڭىز بولادى. بۇل دا قىزىقتى ماعلۇمات.


:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات