+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

گولوۆكيننىڭ سالماعىنداعى الەم چەمپيونى قاماۋعا الىندى

7 جەلتوقسان 15:32 75
:ءبولىسۋ
گولوۆكيننىڭ سالماعىنداعى الەم چەمپيونى قاماۋعا الىندى

استانا. قازاقپارات - بەيسەنبى كۇنى ا ق ش- تا WBO تۇجىرىمى بويىنشا بۇرىنعى الەم چەمپيونى دەمەتريۋس ەندرەيدتى زاڭسىز قارۋ الىپ جۇرگەنى ءۇشىن پروۆيدەنس قالاسىنىڭ پوليتسياسى قاماۋعا الدى. بۇل تۋرالى The Providence Journal باسىلىمى حابارلاعان.

ءتارتىپ ساقشىلارى بوكسشىنىڭ باسقا ماشيناداعى اداممەن تىلدەسىپ وتىرعان كەزىندە ونىڭ «Mercedes» كولىگىنە نازار اۋدارعان.

بوكسشى كۇيگەلەكتەنىپ، الدىڭعى ەسىكتىڭ جانىندا جاتقان ريۋكزاكتى اقتارا باستايدى. پوليتسەيلەر ونى اشتىرعان كەزدە ىشىنەن Glock 19» تاپانشاسى تابىلعان. ال وعان رۇقسات بەرەتىن قۇجات بولماي شىققان.

دەمەتريۋس ەندرەيد قارۋ ءوزىن قورعاۋ ءۇشىن قاجەت ەكەنىن تۇسىندىرمەككە ارەكەتتەندى، الايدا ونىڭ ايتقاندارى دالەلسىز بولدى.

30 جاستاعى ەندرەيدكە قىلمىس جاسادى دەگەن ايىپ تاعىلىپ، سوتتىڭ شەشىمىمەن كەپىلدىكپەن بوستاندىققا شىعارىلدى.

ەسكە سالا كەتەيىك، قازاقستاندىق گەننادي گولوۆكينمەن ءبىر سالماق ساناتىندا ونەر كورسەتەتىن دەمەتريۋس ونىڭ كەزدەسۋى مۇمكىن قارسىلاستارىنىڭ ءبىرى سانالادى.


باستى سوزدەر: قوعام, سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات