شىمكەنت يمامدارى جۇما نامازدا جەمقورلىققا قارسى ءتۇسىندىرۋ جۇمىسىن جۇرگىزەتىن بولدى
باسقوسۋعا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسىنىڭ مىندەتىن اتقارۋشى ا. ءشىلمانوۆ پەن قالالىق ىشكى ساياسات جانە ءدىن ىستەرى باسقارماسىنىڭ ءبولىم باسشىسى ع. بايساريەۆ، ورتالىق مەشىتتىڭ نايب يمامى، مەشىتكە كەلگەن ازاماتتار قاتىستى.
سىبايلاس جەمقورلىقپەن كۇرەسكە قوعامدى تارتۋ ماقساتىندا ۇيىمداستىرىلعان شارادا كەز كەلگەن زاڭبۇزۋشىلىققا توزبەۋشىلىك تانىتۋعا تاربيەلەۋدە ءدىن وكىلدەرىنىڭ ۇلەسى باسىم ەكەندىگى ايتىلدى. مەشىتتەردە جەمقورلىقتىڭ الدىن الۋدى ءتۇسىندىرۋدى بالا كەزدەن باستاۋ قاجەتتىگى ءسوز بولىپ، وسى ورايدا وتباسىنىڭ ءرولى زور ەكەنى اتاپ ءوتىلدى.
سونداي- اق، قالاداعى 104 مەشىتتە تۇرعىندارعا سىبايلاس جەمقورلىققا قارسى ءتۇسىندىرۋ جۇمىستارىن جۇرگىزۋ ۇسىنىلىپ، قالا يمامدارى ءبىراۋىزدان قولداۋ ءبىلدىردى.
اۆتور: اينۇر اقبايەۆا