جامبىل وبلىسىندا جول اپاتىنا ۇشىراعان جولبارىس قۇتقارىلدى
وقيعا 6 - جەلتوقسان كۇنى 14.20-دا الماتى- تاشكەنت تاسجولىنىڭ 553-شاقىرىمىندا، جۋالى اۋدانىنىڭ تۇسىندا بولعان.
«م ت س 25» (تەمىرتاۋ) جىلجىمالى زووباعىنىڭ جۇك كولىگى قالتارىستارى مەن بۇرىلىستارى كوپ كۇيىك تاۋلى وتكەلى ارقىلى كەتىپ بارا جاتقان. جانۋارلار ارتىلعان كولىك وسىنداي بۇرىلىستا جىراعا ءتۇسىپ كەتىپ، جاردا قالىپ قويعان.
ءبىر ساعاتتان كەيىن جامبىل وبلىستىق تجد جەدەل- قۇتقارۋ جاساعىنىڭ قىزمەتكەرلەرى (5 ادام، 1 تەحنيكا) كەلدى. اۋدارىلعان جۇك كولىگىنىڭ تيەگىشىنەن جولبارىستى تورعا سالىپ، ارنايى كولىككە تيەۋ كەرەك بولعان.
قۇتقارۋشىلاردىڭ ايتۋىنشا، ولار بۇرىن- سوڭدى مۇنداي وقيعاعا تاپ بولماعان. جانۋارلار تيەلگەن ۆاگوندى كرانمەن تاسجولعا وتكىزۋ مۇمكىن ەمەس- ءتى. جىرا شەتىندە تۇرعان ۆاگوندا بويىن قورقىنىش بيلەگەن جولبارىس ءارى- بەرى قوزعالا باستاعان.
«قۇتقارۋشىلار ونىڭ ءتۇبىن موتورلى ارامەن كەسىپ، بەتىنە ەكى تەسىك جاساۋ تۋرالى شەشىم قابىلداعان. فاكەلدىڭ كومەگىمەن زارداپ شەككەن جانۋارلاردى تورعا ايداپ كىرگىزگەن. ءبارى ويداعىداي اياقتالدى. مۇنداي وپەراتسيا العاش رەت جۇرگىزىلىپ وتىر»، - دەدى جامبىل وبلىستىق ت ج د- داعىلار.