12:57, 07 - جەلتوقسان 2018 | GMT +6
گولوۆكيننىڭ باپكەرى ونىڭ قاشان باسقا سالماققا اۋىساتىندىعىن ايتتى
استانا. قازاقپارات - ورتا سالماقتا بۇرىنعى الەم چەمپيونى گەننادي گولوۆكيننىڭ باپكەرى ابەل سانچەس بوكسشىنىڭ قازىرگى بابى، كاسىبي مانسابىنىڭ مەرزىمدەرى تۋرالى ايتتى، دەپ حابارلايدى قازاقپارات Sports.kz-كە سىلتەمە جاساپ.
باپكەردىڭ ايتۋىنشا، قازاقستاندىق بىلعارى قولعاپ شەبەرى كەلەر جىلى ەكىنشى ورتا سالماق ساناتىنا اۋىسۋى مۇمكىن.
«ول 160 فۋنتتا قالا ما، 168 گە اۋىسا ما - كورەمىز. ونىڭ ەكى-ءۇش جىلدىق كارەراسى بار، وسى جىلداردى بارىنشا ءتيىمدى وتكىزۋى قاجەت. مەن ونىڭ تاعى دا ەكى-ءۇش جىل بوكستاسقانىن قالايمىن. باستىسى، گەنناديدىڭ زالداعى جاتتىعۋلارعا بۇرىنعىداي ىنتاسى جوعارى. وسى بەتىنەن اينىماسا، تاعى دا بەس-التى جەكپە-جەكتى ويداعىداي وتكىزە الادى»، - دەدى مامان ESPN Deportes-كە بەرگەن سۇحباتىندا.
جوسپار بويىنشا، گولوۆكين 2019-جىلدىڭ كوكتەمىندە رينگكە ورالۋى ءتيىس. ءبىراق ازىرشە قارسىلاسىنىڭ كىم بولاتىندىعى بەلگىسىز.