عالىمدار كۇرىشتىڭ ادام دەنساۋلىعىنا قاتەرىن انىقتادى
ولاردىڭ ايتۋىنشا، كۇرىش ءدانىنىڭ جۇمساعى ورگانيكالىق ەمەس قوسىلىستار تۇرىندەگى 80 پايىز مىشياكتان قۇرالعان.
بۇل تۋرالى doctor. rambler. ru سايتىنا سىلتەمە جاساعان NUR. KZ حابارلايدى.
الەمدەگى عالىمدار توبى كۇرىش داندەرى ادام ءۇشىن قاۋىپتى توكسيندەردى، ونىڭ ىشىندە مىشياكتاردى جيناي الاتىنىن جەتكىزدى.
بۇل اقپاراتتى زەرتتەۋشىلەر قوعامدىق تاۋەكەلدەردى تالداۋ كونفەرەنسياسىندا ايتتى.
«ءبىز كۇرىش داندەرىندە مىشياكتىڭ قانشالىقتى كوپ بولاتىنىن، تاماق قورىتقاندا ونىڭ قانشا پايىزى اعزاعا تۇسەتىنىن زەرتتەدىك. جاقىندا ونىڭ ادام دەنساۋلىعىنا قالاي اسەر ەتەتىنىن انىقتايتىن بولامىز»، - دەدى ينديانا ۋنيۆەرسيتەتىنىڭ وكىلى چجەن چجوۋ.
انىقتالعانداي، كۇرىش داندەرى ءوز قۇرامىنا توكسيندەردى بىرىكتىرەتىن بولىپ شىققان. ال اس قورىتۋ كەزىندە مىشياكتىڭ 80 پايىزىنان كوبى ادام اعزاسىنا تۇسەتىنى انىقتالىپتى.