الماتىدا شەتەلدىك دارىگەرلەر بىرەگەي وتا جاسادى

الماتى. قازاقپارات - شەتەلدىك تانىمال دارىگەرلەر قازاقستاندىق كارديوحيرۋرگتەرگە شەبەرلىك ساباعىن وتكىزدى، دەپ حابارلايدى قازاقپارات ءتىلشىسى.

شەبەرلىك ساباعى اسفەندياروۆ اتىنداعى قازۇمۋ- دىڭ 88 جىلدىعىنا ارنالعان شارا اياسىندا ءوتتى.

قالالىق كارديولوگيالىق ورتالىقتا الەمدەگى ەڭ مىقتى كارديوحيرۋرگتىڭ ءبىرى ريمانتاس بەنەتيس پەن ورتالىق ديرەكتورى المات قۇداسپايەۆ ناۋقاستارعا ءۇش وتا جاسادى. وتا جاڭادان پايدا بولعان قولقا انيەۆريزماسىنا قاتىستى قولقا ءبولىمىنىڭ حيرۋرگياسى تاقىرىبىنا ارنالعان شەبەرلىك ساباعىنىڭ اياسىندا ءوتتى.

ريمانتاس بەنەتيس كاۋناس ۋنيۆەرسيتەتى كلينيكاسىنىڭ جەتەكشىسى. بۇعان دەيىن دانيا، شۆەتسيا، انگليا مەن بەلگيادا جۇمىس ىستەگەن. سوڭعى بەس جىلدا قازاقستاننىڭ كارديوحيرۋرگيا سالاسىندا ەڭبەك ەتىپ كەلەدى.

سونداي- اق اقساي بالالار كلينيكاسىندا پۋسان ۇلتتىق ۋنيۆەرسيتەتى گوسپيتالىنىڭ پروفەسسورلارى لي يۋنسۋب پەن پارك ۆونسوك تا شەبەرلىك ساباعىن وتكىزدى. ورتوپەديا سالاسىندا پاتولوگياسى بار بالالارعا وتا جاسادى.

«پروفەسسور بەنەتيس جۇرەككە ءۇش وتا جاسادى. وتا جاساۋداعى ءار قادامىن ءتۇسىندىرىپ وتىردى جانە رەزيدەنتتەر مەن جاس حيرۋرگتار ءۇشىن ۆيدەوعا ءتۇسىرىلدى. ال پۋسان ۋنيۆەرسيتەتىنىڭ پروفەسسورلارى ايماقتان كەلگەن بالالارعا 5 تەگىن وتا جاساپ، 15 بالاعا تەگىن دارىگەرلىك كەڭەس بەردى»، - دەدى اسفەندياروۆ اتىنداعى قازۇمۋ- دىڭ رەكتورى تالعات نۇرعوجين.

قازاقستانداعى ءار بەسىنشى دارىگەر - قازۇمۋ- دىڭ تۇلەگى. ۋنيۆەرسيتەت تۇلەكتەرىنىڭ قاتارىندا 8 دەنساۋلىق ساقتاۋ ءمينيسترى، 14 دەپۋتات جانە وبلىستىق دەنساۋلىق ساقتاۋ دەپارتامەنتىنىڭ باسشىلارى بار. سونىمەن قاتار ۋنيۆەرسيتەتتىڭ 19 تۇلەگى - عىلىمي- زەرتتەۋ ورتالىعىنىڭ ديرەكتورلارى. بيىلدان باستاپ وقۋ ورنىندا رەسەيدىڭ، تاجىكستان، قىرعىزستان، وزبەكستان، موڭعوليا، يوردانيا، ا ق ش، يران مەن تۇركيانىڭ ازاماتتارى ءبىلىم الىپ جاتىر.

تاڭشولپان بەگالى قىزى