اتىراۋ وبلىسىندا نەمىس دارىگەرلەرى وتا جاساۋ تاجىريبەلەرىمەن ءبولىستى

استانا. قازاقپارات - گەرمانيا دارىگەرلەرى اتىراۋ تەمىرجول اۋرۋحاناسى بازاسىندا شەبەرلىك ساباعىن باستادى.

وعان كورشىلەس باتىس قازاقستان، ماڭعىستاۋ وبلىستارىنىڭ وتولارينگولوگ ماماندارى دا شاقىرىلعان.

 باتىس ءوڭىردىڭ كليماتتىق ەرەكشەلىگى سالدارىنان سوڭعى كەزدە قۇلاق، مۇرىن، تاماق اۋرۋالارى بەلەڭ الىپ بارادى. ءبىر عانا اتىراۋ وبلىسىندا جىل باسىنان بەرى ەستۋ قابىلەتى ناشارلاعان 190 ناۋقاسقا وپەراتسيا جاسالدى.

«مۇنداي شەبەرلىك ساباقتارى وتاندىق دارىگەرلەردىڭ بىلىكتىلىگىن ارتتىرىپ، ناۋقاستاردىڭ شەتەلدەن ەم ىزدەۋىنە توسقاۋىل بولادى»، -  دەيدى ماماندار.

 الەكساندر تيان، اتىراۋ تەمىرجول اۋرۋحاناسىنىڭ دارىگەرى:

 -  نەمىس اپپاراتى قۇلاققا جاسالاتىن كۇردەلى وپەراتسيالاردى وتە دالدىكپەن جاساۋعا مۇمكىندىك بەرەدى. جانە بارلىق ارەكەت مونيتور ارقىلى باقىلانادى. بۇگىن شەتەلدىك ماماننىڭ كەڭەسىمەن كەزەكتى ناۋقاستىڭ قۇلاعىنا جاساندى دابىل جارعاعىن ورناتتىق.

www.24.kz