ادەبيەت پەن ونەر سالاسىنداعى مەملەكەتتىك سىيلىق يەگەرلەرى بەلگىلى بولدى

استانا. قازاقپارات - مەملەكەت باسشىسىنىڭ قاۋلىسىمەن، ادەبيەت جانە ونەر سالاسىنداعى مەملەكەتتىك سىيلىقتىڭ يەگەرلەرى بەلگىلى بولدى، دەپ حابارلايدى قازاقپارات اقورداعا سىلتەمە جاساپ.

قازاقپارات ەلباسى قاۋلىسىنىڭ ءماتىنىن جاريالايدى.

قازاقستان رەسپۋبليكاسىنىڭ 2018-جىلعى ادەبيەت پەن ونەر سالاسىنداعى مەملەكەتتىك سىيلىعىن بەرۋ تۋرالى

قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ ۇسىنىمدارىن قاراپ، قاۋلى ەتەمىن:

1. قازاقستان رەسپۋبليكاسىنىڭ 2018-جىلعى ادەبيەت پەن ونەر سالاسىنداعى مەملەكەتتىك سىيلىعى:

1) اقىن تىنىشتىقبەك ابدىكاكىموۆكە - «القوڭىر دۇنيە» ولەڭدەر مەن باللادالار جيناعى ءۇشىن؛

2) اۆتورلار ۇجىمىنا: تولەۋبەك نىعمەت ۇلى الپيەۆكە، الان اسقار ۇلى بورىبايەۆقا، سۇندەت ءابدىراحمان ۇلى بايعوجينگە، «استانا وپەرا» مەملەكەتتىك وپەرا جانە بالەت تەاترى» كومەرتسيالىق ەمەس اكسيونەرلىك قوعامىنىڭ شىعارماشىلىق ۇجىمىنا قاتىسۋشىلارعا - «اباي» وپەراسى (ل. حاميدي، ا. جۇبانوۆ) ءۇشىن؛

3) اۆتورلار ۇجىمىنا: اقان قارعامباي ۇلى ساتايەۆقا، ءاليا نۇرسۇلتان قىزى نازاربايەۆاعا، تيمۋر قازبەك ۇلى جاقسىلىقوۆقا، التىناي باۋىرجان قىزى نوگەربەككە، ءادىل ەرالى ۇلى احمەتوۆكە - «اناعا اپارار جول» تولىقمەترلى كوركەم فيلمى ءۇشىن؛

4) اقىن اقۇشتاپ باقتىگەرەي قىزى باقتىگەرەيەۆاعا - «انا سىرى» ولەڭدەر مەن باللادالار جيناعى ءۇشىن؛

5) اقىن وتەگەن ورالباي ۇلى ورالبايەۆقا - «شۋاقتى شاق» جىر جيناعى ءۇشىن بەرىلسىن.

2. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن. نازاربايەۆ