استانادا جاپونيا ەلشىسىنىڭ قابىلداۋى ءوتتى
«جوعارى مارتەبەلى يمپەراتور وسى جىلدىڭ 23- جەلتوقسان كۇنى 85 جاسقا تولادى. يمپەراتوردىڭ تۋعان كۇنىن سىزدەرمەن بىرگە اتاپ وتكىم كەلدى. ەكى ەل اراسىنداعى قارىم-قاتىناس ءارتۇرلى سالالاردا جىل ساناپ ارتۋدا. اتاپ ايتساق، بيىل ماۋسىم ايىندا استانادا ەكونوميكا سالاسىنداعى ىنتىماقتاستىق جونىندەگى قازاقستان-جاپونيا ۇكىمەتتىك جانە جەكە سەكتورلارى بىرلەسكەن كوميسسياسىنىڭ 7-وتىرىسى ءوتتى. وتىرىس بارىسىندا ەكونوميكا، ساۋدا، ينۆەستيتسيا ماسەلەلەرى تالقىلانىپ، ۋاعدالاستىقتارعا قول جەتكىزدى. وعان دالەل الماتى مەن استانادا جاڭادان جاپون زاۋىتتارى مەن مەكەمەلەرى اشىلىپ، بىرلەسكەن كاسىپورىندار قۇرىلدى»، - دەدى جاپونيانىڭ قازاقستانداعى ەلشىسى يتيرو كاۆاباتا.
ەلشى مىرزا الداعى ۋاقىتتا اتالعان جۇمىستاردىڭ ءوز جالعاسىن تاباتىنىن ايتا كەلە، 2020-جىلى توكيودا وتەتىن وليمپيادا جانە پاراليمپيادالىق ويىندارعا قاتىستى قازاقستاننىڭ قولداۋ كورسەتكەنىنە العىسىن ءبىلدىردى.
«كەلەسى جىلدىڭ قاڭتار ايىندا ديپلوماتيالىق مىندەتىمدى اياقتاپ جاپونياعا ورالامىن. 2 جىل 9 اي بويى اتقارعان قىزمەتىم كەزىندە جاپونيا مەن قازاقستاننىڭ ەكىجاقتى قارىم-قاتىناستاردىڭ ماڭىزدى وقيعالارىنا كۋا بولدىم. سونىڭ ءبىرى - «استانا ەكسپو-2017» حالىقارالىق كورمەسى. قازاقستان حالقىنا جانە ديپلوماتيالىق قوعامداستىققا ماعان كورسەتكەن قولداۋلارى مەن دوستىعى ءۇشىن شىنايى العىسىمدى بىلدىرەمىن»، - دەدى ول.
ءوز كەزەگىندە ەلىمىزدىڭ سىرتقى ىستەر ۆيتسە-ءمينيسترى ەرجان اشىقبايەۆ ەكى ەل اراسىنداعى ديپلوماتيالىق قارىم-قاتىناس ورناعان 25 جىل ىشىندە ەل دامۋىنا ۇلەس قوسقان كوپتەگەن ماڭىزدى وقيعالاردىڭ ورىن العانىنا توقتالىپ ءوتتى.
«وسى قىسقا ۋاقىتتىڭ ىشىندە ءبىزدىڭ ءوزارا ءتيىمدى ستراتەگيالىق ىنتىماقتاستىعىمىز ءوز شىڭىنا جەتىپ، ەكىجاقتى ساياسي تۇسىنىكتىڭ جوعارى دەڭگەيىنىڭ ارقاسىندا ەلدەرىمىز اراسىنداعى ەكونوميكالىق ىنتىماقتاستىق قارقىندى دامىپ كەلەدى. 2015-جىلى جاپونيا پرەمەر-ءمينيسترى سيندزو ابەنىڭ قازاقستانعا جاساعان رەسمي ساپارى، سونداي-اق 2016-جىلى ەلباسى نۇرسۇلتان نازاربايەۆتىڭ جاپونياعا جاساعان ساپارى ەكى ەلدىڭ اراسىنداعى قارىم-قاتىناستاردى جاڭا بەلەستەرگە شىعاردى. بيىلعى ەكىجاقتى ساۋدا اينالىمىنىڭ كولەمى 1,3 ميلليارد ا ق ش دوللارىنان اسىپ ءتۇستى. ينۆەستيتسيالىق ۋاعدالاستىقتاردىڭ ناتيجەسى رەتىندە ۇستىمىزدەگى جىلدىڭ سوڭىندا جاپونيانىڭ ءبىزدىڭ ەلىمىزگە قۇيعان تىكەلەي ينۆەستيتسياسىنىڭ كولەمى 1,2 ميلليارد ا ق ش دوللارىنا جەتكەنىن اتاپ وتۋگە بولادى»، - دەدى ول.
سونىمەن قاتار، قابىلداۋ بارىسىندا قر پارلامەنتى ءماجىلىسىنىڭ دەپۋتاتى نۇرلان دۋلاتبەكوۆ پەن «استانا مەديتسينا ۋنيۆەرسيتەتى» ا ق ديرەكتورلار كەڭەسىنىڭ ءتوراعاسى تولەباي راحىپبەك جاپونيا يمپەراتورىنىڭ وردەنىمەن، سونداي-اق، نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ جاپونيانىڭ سىرتقى ىستەر ءمينيسترىنىڭ قۇرمەت گراموتاسىمەن ماراپاتتالدى.