08:29, 07 - جەلتوقسان 2018 | GMT +6
ۇلىتاۋ اۋدانىندا قازاق كۇرەسى مەكتەبى مەن ستاديون سالىنادى
استانا. قازاقپارات - «رۋحاني جاڭعىرۋ» باعدارلاماسى شەڭبەرىندە ۇلىتاۋ اۋدانىندا ەكى سپورت نىسانىنىڭ قۇرىلىسى جوسپارلانىپ وتىر.
ول جايلى ايماقتىق كوممۋنيكاتسيالار ورتالىعىندا وتكەن بريفينگ بارىسىندا اۋدان اكىمى ءانۋار ومار مالىمدەدى. بۇل تۋرالى قازاقپارات اكىمدىك سايتىنا سىلتەمە جاساپ حابارلايدى.
«رۋحاني جاڭعىرۋ» باعدارلاماسىن جۇزەگە اسىرۋ شەڭبەرىندە ءبىزدىڭ اۋدان بويىنشا توعىز جوبا ۇسىنىلدى. ولاردىڭ تورتەۋى جۇزەگە اسىرىلدى. تاعى بەسەۋى كەلەسى جىلعا جوسپارلانىپ وتىر. ونىڭ قاتارىندا - 50 ورىنعا شاقتالعان دەمالىس اۋماعىنىڭ قۇرىلىسى، قازاق كۇرەسى مەكتەبى مەن قارساقباي اۋىلىنداعى ستاديون قۇرىلىسى دا بار، - دەدى ءانۋار ومار.
اكىمنىڭ ايتۋىنشا، بۇل جوبالاردىڭ بارلىعى دەمەۋشىلەر قاراجاتىنا سالىنادى.