وليمپيادا چەمپيونى ەرماحان ىبىرايىموۆ جاس سپورتشىلارعا ۇندەۋ جولدادى
ول جاستاردى سپورتتاعى ەڭ بيىك شىڭدارعا جەتۋگە شاقىردى دەپ جازادى Olympic.kz.
«جاس سپورتشىلارعا ەڭبەك ەتىپ، تەك العا باسىپ، شىدامدى بولۋدى ۇيرەنىڭدەر دەپ ايتقىم كەلەدى. جىلدار بويى ءومىرىن سپورتقا ارناعان جاندار مىندەتتى تۇردە چەمپيون اتانادى. كوپتەگەن سپورتشىلارىمىز 2020-جىلعى وليمپيادا ويىندارىندا ەل نامىسىن قورعاماق. مىنە، سول باسەكەگە ۇلكەن دايىندىقپەن اتتانۋ قاجەت. سپورتشىلار ءۇشىن ءاربىر دايىندىق پەن ءاربىر جارىستىڭ ماڭىزى زور. جاراقاتتان اۋلاق بولۋدىڭ قامىن جاساپ، دەنساۋلىققا اسا ساقتىقپەن قاراڭىزدار.
تاماق تانۋ رەجيمىن ۇستانىپ، كەز كەلگەن ورىندا كوزگە تۇسە بەرمەڭىزدەر. جوعارى دەڭگەيلى سپورتشىنىڭ الدىندا مىندەت كوپ. ول ءوزىنىڭ، وتباسىنىڭ عانا ەمەس، بۇكىل مەملەكەتتىڭ ايناسى. سول سەبەپتى، ەڭ ءبىرىنشى كەزەكتە ەلىڭدى، سودان سوڭ ءوزىڭدى تانىتۋىڭ كەرەك. قازىرگى تاڭدا قازاق سپورتىنداعى رەزەرۆ ماسەلەسى شەشىلگەن. مينيسترلىك، ق ر ۇ و ك، فەدەراتسيالار قارقىندى جۇمىس ىستەۋدە. جالپى العاندا، سپورتشىلاردىڭ جاعدايى كوڭىلدەن شىعادى. ولاردىڭ جەڭىسكە دەگەن جىگەرى باسىم. سپورتشىلار ەل نامىسىن ابىرويىمەن قورعاۋى ءۇشىن مەملەكەت ۇلكەن قاراجات بولۋدە. مىنە، ءسىزدىڭ ماتەريالدىق تۇرعىدان جاعدايىڭىزدى جاقسارتۋعا دا مۇمكىندىك بار.
سوندىقتان، جاس سپورتشىلارعا تەك العا قادام باسىڭدار دەگىم كەلەدى. بارلىق تالپىنىستىڭ ءبىر جاۋابى بولادى. ەڭ ءبىرىنشى كەزەكتە وزدەرىڭدى جەڭىپ ۇيرەنىڭدەر. ەگەر ءدىني سەنىمدە بولساڭىز، جاراتقانعا قۇلشىلىق ەتىپ، ارەنادا كۇنا جاساماۋعا تىرىسىڭىز. بۇل وليمپيادا چەمپيونىنا جاراسپايتىن قىلىق. قۇدايدىڭ الدىندا دا ەڭبەكقور ءارى تازا بولۋ كەرەك. سول كەزدە ءسىز ناعىز چەمپيون بولاسىز»، - دەدى ەرماحان ىبىرايىموۆ.