+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

پاۆلودار وبلىسىنا كوشىپ كەلگەن وتباسىلار كومىرمەن قامتىلدى

6 جەلتوقسان 21:47 91
:ءبولىسۋ
پاۆلودار وبلىسىنا كوشىپ كەلگەن وتباسىلار كومىرمەن قامتىلدى

 استانا. قازاقپارات - ەلىمىزدىڭ وڭتۇستىك وڭىرلەرىنەن پاۆلودار وبلىسىنا كوشىپ كەلگەن وتباسىلار بيىلعى قىستا كومىرمەن قامتىلادى. بۇل - جەرگىلىكتى بيلىكتىڭ شەشىمى.

 وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءبولىم باسشىسى مەرۋەرت ەسەنبايەۆانىڭ مالىمەتىنشە، سوڭعى ەكى جىل ىشىندە پاۆلودار وبلىسىنا شامامەن ەكى جارىم مىڭ ازامات كوشىپ كەلگەن.

«باسىم بولىگى - الماتى، تۇركىستان، قىزىلوردا، جامبىل جانە ماڭعىستاۋ وبلىستارىنىڭ تۇرعىندارى. كوشىپ كەلگەندەر ءوڭىرىمىزدىڭ كليماتىنا بەيىمدەلىپ كەتۋى ءۇشىن ولاردى بيىلعى قىستا قاتتى وتىنمەن قامتۋدى ۇيعاردىق. وسى اپتانىڭ سوڭىنا دەيىن تۇرعىندارعا كومىر تاسىپ بەرەمىز» ، - دەيدى مەرۋەرت ەسەنبايەۆا.

ماسەلەن، اققۋلى اۋدانىنا قونىس اۋدارعان 34 وتباسىنىڭ ۇيىنە قاتتى جانار- جاعارماي جەتكىزىلدى. اۋداندىق اكىمدىك ماماندارىنىڭ حابارلاۋىنشا، ساپالى كومىر «مايكوبە» كەنىشىنەن تاسىمالدانعان. ءاربىر جانۇياعا قىستان قىسىلماي شىعۋ ءۇشىن 5-7 توننا كومىر ۇلەستىرىلگەن. بۇل - اۋدان اكىمىنىڭ تاپسىرماسى شەڭبەرىندە اتقارىلعان يگى ءىس.

بۇل اۋدانعا وتكەن جىلى «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى بويىنشا وڭتۇستىك قازاقستان وبلىسىنان ءتورت وتباسى كوشىپ كەلدى. ال بيىل 30-دان استام وتباسىنىڭ 170 مۇشەسى جاڭا جەرگە قونىس اۋدارىپ، جۇمىسپەن قامتىلعان.

ايتا كەتەيىك، ىشكى قونىس اۋدارۋشىلاردىڭ اربىرەۋىنە 35 ا ە ك كولەمىندە، ياعني 84 مىڭ تەڭگە جانە پاتەر جالداۋعا 21 مىڭ تەڭگە تۇرىندە قولداۋ كورسەتىلەدى.

 

اقمارجان ادىلبەك

Baq.kz


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات