تاماققا تاۋەلدىلىك

استانا. قازاقپارات - كەيدە بەلگىلى ءبىر تاعام تۇرىنەن باس تارتۋعا شەشىم قابىلدايمىز. ويتكەنى، سانالى تۇردە ونىڭ اعزامىزعا زيان ەكەنىن اڭعارامىز.

ءبىراق، ءوزىڭىزدىڭ ەركىڭىزگە جاۋاپ بەرە الماي، ول ونىمنەن باس تارتۋ ايتارلىقتاي قيىن سەكىلدى كورىنەدى. اسىرەسە، قانت، گازدى سۋسىندار مەن تەز دايىندالاتىن تاعام تۇرلەرى. ەندەشە، بۇگىن ادامنىڭ تاعامعا تاۋەلدىلىگى تۋرالى قىزىقتى اقپاراتتارمەن بولىسەمىز. ءبىزدىڭ ميىمىزدا قاراپايىم تىلمەي ايتقان كەزدە «سىياقى» جۇيەسى جۇمىس ىستەيدى. بۇل جۇيە ءسىز ءومىر ءسۇرۋ قالپىن جاقسارتۋ ءۇشىن ارەكەت ەتكەن سايىن ميىڭىز سىزگە ارنايى سىياقى بەرەدى. ياعني، ميدا بىرنەشە جۇيەلى حيميالىق رەاكسيا جۇرەدى. ميىڭىز نەيروتاسىمالداۋ ورتالىعىنا دوفامين گورمونىڭ بولەدى. ياعني، راحاتتانۋ ءۇردىسى ىسكە اسادى. بۇگىندە ءبىز قوداناتىن پايداسىز تاعامداردىڭ باستى ەرەكشەلىگى ءدال وسى دوفاميندى كوپ مولشەردە بولۋگە اسەر ەتۋىمەن سيپاتتتالادى. مىسالى، ءبىر ءتۇيىر الما مەن ەت كەسەگى ءدوفاميندى از عانا مولشەردە بولۋگە قابىلەتتى بولسا، بالمۇزداقتى تۇتىنۋ ەكى ەسە اسەر ەتەدى.

تاماققا تاۋەلدىلىكتىڭ 6 بەلگىسى: تاماق تاۋەلدىلىگىن انىقتايتىن ارنايى قان ساراپتاماسى جوق. وزگە تاۋەلدىلىك تۋدىراتىن ادەتتەر سەكىلدى ونى تەك ارنايى بەلگىلەرمەن انىقتاي الاسىز. سونىمەن:

 • تاماقتانىپ العانىڭىزعا قاراماستان، تاعامنىڭ بەلگىلى ءبىر تۇرىنە ىنتىزار بولاسىز.

 • اڭساعانىڭىزعا قول جەتكىزىپ، تاماقتانا باستاعاندا ءوزىڭىزدى توقتاتۋ قيىن بولادى. ناتيجەسىندە ويلاعان مولشەردەن ەكى ەسە ارتىق تاماقتى تۇتىناسىز.

 • سول تاعامدى جەگەنىڭىزگە بول ءوزىڭىزدى كىنالايسىز، وزىڭىزگە رەنجيسىز. ءبىراق، ودان ءبارىبىر باس تارتا المايسىز.

 • بىرنەشە مارتە سول تاماقتان باس تارتۋعا تىرىستىڭىز. دەگەنمەن، ءبارىبىر ناتيجەگە قول جەتكىزبەدىڭىز.

 • ءوزىڭىزدىڭ سول تاعامدى تۇتىناتىنىڭىزدى جاسىرۋعا تىرىساسىز.

 • ارتىق سالماق سەكىلدى زيانى بارىن بىلە تۇرا، باس تارتا المايسىز. ەگەر بۇل بەلگىلەردىڭ بارلىعى سىزدە بايقالسا، وكىنىشكە وراي تاعامنىڭ بەلگىلى ءبىر تۇرىنە تاۋەلدىسىز.

Massaget.kz