الەمنىڭ ەڭ باي جاستارى
ءتىزىمدى 21 جاستاعى كايلي دجەننەر باستادى. ول بيىل $ 166,5 ميلليون اقشا تاپقان. كىرىستىڭ كوپ بولىگىن وعان ءوزىنىڭ Kylie Cosmetics اتالاتىن برەندى الىپ كەلدى. كومپانيانىڭ قۇرىلعانىنا بيىل بار- جوعى 3 جىل تولعان ەدى. ونىڭ ءىسى وسىنداي قارقىنمەن جەتىلە بەرسە، الەمدەگى ەڭ جاس ميللياردەر اتانۋعا مۇمكىندىگى زور.
ەكىنشى ورىن ەد شيرانعا تيەسىلى. 27 جاستاعى بريتانيالىق مۋزىكانت $ 110 ميلليون تاپقان. العاشقى ۇشتىكتى 26 جاستاعى برازيليالىق فۋتبولشى نەيمار ($ 90 ميلليون) قورىتىندىلادى. ەڭ باي جاستار تىزىمىنە ءانشى تەيلور سۆيفت ($ 80 ميلليون) ، مۋزىكانت The Weeknd 57$ ميلليون) ، "حيۋستون روكەتس" كومانداسىنىڭ باسكەتبولشىسى دجەيمس حاردەن ($ 46,4 ميلليون) ، The Chainsmokers توبىنىڭ ديدجەيى ەندريۋ تاگگارت ($ 45,5 ميلليون) ، بوكسشى ساۋل الۆارەس ($ 44,5 ميلليون) ، كۆوتەربەك دەرەك كارر ($ 42,1 ميلليون) جانە گولفشى دجوردان سپيت ($ 41,2 ميلليون) ەنگەن.
Massaget.kz