+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاندا مايىتتىك دونور كۇرت ازايدى

6 جەلتوقسان 18:05 63
:ءبولىسۋ
قازاقستاندا مايىتتىك دونور كۇرت ازايدى

اقتوبە. قازاقپارات - اقتوبە مەديتسينا ورتالىعىندا مايىتتىك دونوردى دامىتۋ جايى تالقىلاندى، دەپ حابارلايدى قازاقپارات ءتىلشىسى.

قازاقستاندا مايىتتىك دونور ازايدى. ال ءبىر ادام 5-8 ادامنىڭ ءومىرىن قۇتقارا الادى. جۇرەگى مەن وكپەسى، بۇيرەگى، باۋىرى، كوزى دە قاجەتكە جارايدى. ترانسپلانتولوگ جاقسىلىق دوسقاليەۆ اقتوبەگە ساپارى كەزىندە تەك رەسمي جيىن، سەميناردا عانا ەمەس، وتباسىلىق باسقوسۋدا دا مايىتتىك دونوردى تالقىلاعان دۇرىس دەپ سانايدى.

«مايىتتىك دونوردى دامىتۋعا بىرىنشىدەن ينفەكسيا، ەكىنشىدەن قوعامدىق سانا كەرى اسەرىن تيگىزىپ تۇر. ءبىز تەك ۇلكەن كونفەرەنسيا، جيىنداردا عانا ەمەس، وتباسىلىق باسقوسۋلاردا دا مايىتتىك دونوردىڭ تيىمدىلىگىن ايتۋىمىز كەرەك. زاڭ بويىنشا ادام دونور بولامىن نەمەسە بولمايمىن دەپ قولحات جازىپ كەتە الادى. ال ەشقانداي قولحات بولماسا، دارىگەرلەر رۇقساتسىز ادامنىڭ اعزاسىن الۋعا قۇقىلى. دەگەنمەن ءبىز 18 ميلليون حالىقپىز، ءبىر-ءبىرىمىزدى تانيمىز، بىلەمىز. سوندىقتان كەلىسىم جاساپ، اعزانى الىپ ءجۇرمىز. ادامداردىڭ رەنجىگەنىن دە قالامايمىز»، - ترانسپلانتولوگ جاقسىلىق دوسقاليەۆ.

ترانسپلانتاتسيا جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ ورتالىعىنىڭ فيليالى ءار وڭىردە بار. بارلىق مالىمەت ورتاق بازاعا جيناقتالىپ، ىزدەۋ جۇرەدى. ەگەر مايىتتىك دونور تىركەلسە، دەرەۋ زەرتتەۋ جۇرگىزىلىپ، ساي كەلەتىن اعزاعا حابار بەرىلەدى. ماسەلەن، 2017 -جىلى ەلىمىز بويىنشا 24 مايىتتىك دونور تىركەلدى، بيىل 9 ى عانا ساي كەلدى. وتكەن جىلى قازاقستاندا جالپى 208 بۇيرەك، 63 باۋىر اۋىستىرۋ وتاسى جاسالدى. ەلىمىز بويىنشا 11 جۇرەك ترانسپلانتاتسيالاندى. جۇرەك اۋىستىرۋ وتاسىنىڭ ءبارى استانادا جاسالدى.

«وتكەن جىلى 295 ناۋقاسقا اعزا اۋىستىرۋ وتاسى جاسالدى. 2017 -جىلى 24, بيىل 9 مايىتتىك دونور بويىنشا اعزالارى الىندى. مايىتتىك اعزانى بەرۋ سولتۇستىك قازاقستاندا جاقسى دامىعان. كەيىن الماتى مەن استانا، قوستاناي كەلە جاتىر. اعزا 18-62 جاس ارالىعىنداعى ادامداردان الىنادى. ماسەلەن، اقتوبەدەگى جەدەل جاردەم اۋرۋحاناسىندا 60 ناۋقاس كوز جۇمدى. ونىڭ تەك ۇشەۋى مايىتتىك دونور بولدى. ال بيىل بار بولعانى 2 مايىتتىك دونور تىركەلدى»، - دەدى ترانسپلانتاتسيا جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ ورتالىعى ديرەكتورى سەرىك جارىقوۆ.

بۇعان دەيىن حابارلاعانىمىزداي، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە وزگەرتۋلەر مەن تولىقتىرۋلار ەنگىزىلىپ، جۇقپالى دەرتى، سوزىلمالى اۋرۋى بار ادامداردىڭ دا اعزاسىن پايدالانۋعا رۇقسات سۇرالدى. ياعني، مايىتتىك دونوردى ءتيىمدى پايدالانىپ، جۇقپالى اۋرۋلاردى ەمدەۋ جولىن قاراستىرۋ ۇسىنىلدى.

«اعزا جەتكىزۋگە ارنالعان اپپاراتتار قازاقستاندا بار. باۋىر، بۇيرەك مۇزداتىلعان كۇيىندە جەتكىزىلسە، جۇرەك پەن وكپەنى 24 ساعات ساقتاۋعا ارنالعان ءبىر رەتتىك كونتەينەر پايدالانىلادى. ءبىر كونتەينەردىڭ قۇنى - 5 ميلليون تەڭگە. جۇرەك سوعۋىن توقتاتپاي، سول كۇيى استاناداعى ورتالىقتا اۋىستىرىلادى. ازىرگە كادر تاپشىلىعىنان وزگە وڭىرلەردە جۇرەك اۋىستىرۋ مۇمكىن بولماي تۇر»، - دەدى سەرىك جارىقوۆ.

ستاتيستيكالىق مالىمەتكە سۇيەنسەك، اقتوبە وبلىسىندا 120 ادام بۇيرەك، 37 ادام باۋىر اۋىستىرۋ وتاسىن كۇتىپ وتىر. كەلەر جىلى وڭىردە ترانسپلانتاتسيا ورتالىعىندا HLA- زەرتحاناسى ىسكە قوسىلادى. ترانسپلانتاتسيا ورتالىعى اشىلعان كەزدە 6 مامان بەلارۋس ەلىندە، 5 مامان تۇركيادا ءبىلىمىن جەتىلدىردى. سونىمەن قاتار، 13 مامان وڭتۇستىك كورەيادا ترانسپلانتاتسيانىڭ قىر- سىرىن ۇيرەندى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات