سەمەي اۋەجايىن «اباي جولى» دەپ اتاۋ ۇسىنىلدى
«تاۋەلسىزدىك العاننان بەرى ءار ءتۇرلى مەملەكەتتىك مەكەمەلەر، الەۋمەتتىك نىساندار، حالىقتىق ماڭىزى بار ورىندار قازاقشالانىپ، كەڭەستىك كەزەڭنىڭ قۇرساۋىنان شىعىپ كەلەدى. ءتۇپ تامىرىمىزدى تەرەڭگە تارتقان سوڭ، جاپىراعىمىز دا ۇلتتىق بولمىستا جايقالۋى كەرەك. اركىم ءوز ورتاسىنان باستاپ، جوعارىعا (بيلىككە) قوزعاۋ سالسا، «ايتا- ايتا التايدى، جامال اپام قارتايدى» دەگىزبەيتىن شىعار. مىسالى ءبىزدىڭ شىعىس قازاقستان وبلىسىندا ورىسشالانىپ كەتكەن اۋداندار جونگە كەلىپ، تەزگە ءتۇسىپ كەلەدى. اسىرەسە بەلگىسىز «تۇلعالاردىڭ» ەسىمى مەن ءمانسىز اتاۋلار اتىن جامىلعان وسكەمەن ءوڭىرى.
وسى رەتتە ايتا كەتپەسەك ءسوزدىڭ اتاسى ولەدى. ەجەلدەن رۋحانياتتىڭ استاناسى ساناتىنداعى سەمەي قالاسى توعىز جولدىڭ تورابىندا تۇر. جۇيتكىگەن وتاربالار، قىتاي، رەسەيگە اعىلعان جۇك كولىكتەرى قالامىزدىڭ ۇستىمەن وتەدى، ءتىپتى كەزىندە سۋ جولىمەن دە كورشى قالالارمەن قاتىناسىپ تۇراتىن» - دەپ جازادى اقىن.
ونىڭ ايتۋىنا قاراعاندا، اۋەجاي ماسەلەسى ءالى دە شەشىمىن تاپپاعان.
«ەندىگى كەزەكتە اۋەجولى. اۋەجولىنىڭ ابىگەرى ءالى باسىلماي تۇر. استانا، الماتى قالالارىنا تۇرعىندار وسى ۋاقىتقا دەيىن وسكەمەن ارقىلى ۇشىپ ءجۇر. سەبەبى كۇردەلى جوندەۋ جاسالىپ جاتقالى قاشان؟ ! ءبىراق، كومبىس، ءتوزىمشىل حالىق وعان دا ۇيرەنىپ قالدى. جاقىندا ىسكە قوسىلادى دەگەن قۋانىشتى حاباردى قۇلاعىمىز شالعان ەدى. سول ورايدا 40 جىلدان كەيىن جوندەۋ كورىپ، جونگە كەلىپ جاتقان اۋەجايدى «اباي جولى» دەپ اتاساق دەيمىن. سەمەي قالاسى گەوگرافيالىق جاعىنان دا وتە ءتيىمدى جەردە تۇر. ەندىگى ۋاقىتتا حالىقارالىق اۋەجايعا اينالىپ، حالىقتىڭ يگىلىگىنە جۇمىس جاسايدى دەپ سەنەمىن. سوندىقتان كۇرە جولدا تۇرعان، قاراۋىل، جيدەباي باعىتىندا ورنالاسقان اۋەجايدى «اباي» اتىنداعى حالىقارالىق اۋەجاي دەسەك، جاراسىمدى ەستىلەدى ەمەس پە؟ ! حالىق تا قولدايدى دەپ زور سەنىم بىلدىرەمىن» - دەيدى مەرەي قارت.
ول ءوزىنىڭ ۇسىنىسىن ش ق و اكىمى دانيال احمەتوۆتىڭ قولداۋىن سۇرايدى.
«شىعىس قازاقستان وبلىسىنىڭ اكىمى دانيال كەنجەتاي ۇلى ءسىزدىڭ نازارىڭىزدان وسى ءوتىنىش تىس قالماي، ءتيىستى جەرلەرگە جەتسە دەيمىن» - دەيدى ول ءسوز سوڭىندا.
Baq.kz