جوعارى قان قىسىمىنان ارىلۋدىڭ جولدارى

استانا. قازاقپارات - جوعارى قان قىسىمىن بولدىرماۋدىڭ جولدارىن قاراستىرايىق...

اسقاباق جانە ليمون.

 2 ليمون، 1 ك گ اسقاباق، 1 ك گ قانت. اسقاباقتىڭ ەتىن (مياكوت) جانە ليموندى قابىعىمەن ەتتارتقىشتان وتكىزىپ، قانت قوسىپ ارالاستىرامىز. تاماق تانۋدان الدىن 1 اس قاسىق قابىلداۋ قاجەت. توڭازىتقىشتا ساقتاڭىز. قانتتىڭ ورنىنا بالدى قولدانساڭىز ءتىپتى جاقسى.

سارىمساق جانە الما سىركە سۋى.

1 ءتۇيىر (زۋبچيك) سارىمساق، 1 شاي قاسىق الما سىركە سۋى، 200 م ل سۋ. ءار كۇنى تاڭەرتەڭ مايدالانعان سارىمساقتى اش قارىنعا جەۋ قاجەت، ارتىنشا اۋىزدى الما سىركە سۋى قوسىلعان سۋمەن شايۋ كەرەك.

قىزىلشا -  بال قوسپاسى

200 گ بال، 300 م ل قىزىلشا شىرىنى.  قىزىلشا شىرىنىن سۇيىق بالعا قۇيىپ، جاقسىلاپ ارالاستىرىڭىز. تاماقتاناردان الدىن، كۇنىنە 3-4 رەت، 1 اس قاسىقتان قابىلداڭىز.

 قىزىلشادان كۆاس

1 كگ قىزىلشا، 2-3 ل سۋ، 3 اس قاسىق الما سىركە سۋى، دامىنە قاراي ليمون نەمەسە بال. قىزىلشانى ۇككىشتەن وتكىزىپ، 3 ليترلىك شىنى بانكگە سالىپ، ۇستىنە قايناعان سۋ قۇيىپ، الما سىركە سۋىن قوسىڭىز، بەتىن داكەمەن جاۋىپ، 2-3 كۇن تۇرۋى ءتيىس. تاماقتاناردان الدىن كۇنىنە 3 رەت، 100 م ل قابىلداۋ قاجەت. دامىنە قاراي 1 شاي قاسىق ليمون نەمەسە بال قوسىڭىز. ەمدەۋ كۋرسى - 2-اي.

 

 دەرەككوزى: "كەرەك كەڭەس"