14:59, 06 - جەلتوقسان 2018 | GMT +6
يرانداعى اسكەري بازادا جارىلىس بولدى
زاحەدان. قازاقپارات - يراننىڭ وڭتۇستىك-شىعىسىندا ورنالاسقان اسكەري بازادا جارىلىس بولدى، دەپ حابارلايدى «قازاقپارات» ح ا ا يرنا اگەنتتىگىنە سىلتەمە جاساپ.
اگەنتتىكتىڭ دەرەكتەرىنە قاراعاندا، جارىلىس بەيسەنبى كۇنى سيستان جانە بەلۋدجيستان پروۆينتسياسىنداعى چاباحار قالاسىندا ورنالاسقان اسكەري بازانىڭ ماڭىندا بولعان.
«بۇگىن تاڭەرتەڭ چاباحار اسكەري بازاسىنىڭ جانىندا جارىلىس بولدى. وقىس وقيعا سالدارىنان بىرنەشە ادام زارداپ شەكتى»، - دەپ مالىمدەدى پروۆينتسيا گۋبەرناتورىنىڭ قاۋىپسىزدىك ماسەلەلەرى جونىندەگى ورىنباسارى موحامماد حادي ماراشي. ونىڭ ايتۋىنشا، «بومبا اۆتوموبيلدىڭ ىشىنە ورناتىلعان».
IRNA اگەنتتىگى كەم دەگەندە ءتورت ادام جارىلىس قۇربانى بولعانىن حابارلاپ وتىر.
قالادا وق داۋىستارى ەستىلىپ جاتىر.