+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

6 جەلتوقسان 14:48 45
:ءبولىسۋ
انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

انكارا. قازاقپارات - 5- جەلتوقساندا انكارادا ق ر تۇڭعىش پرەزيدەنتى كۇنىنە وراي «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كونفەرەنسيا ءوتتى، دەپ حابارلايدى قازاقپارات.

ءىس-شارانى قازاقستاننىڭ تۇركياداعى ەلشىلىگى مەن تۇركيانىڭ العاشقى پرەزيدەنتى مۇستافا كەمال اتاتۇرىك قۇرعان، وسى ەلدىڭ ەڭ بەدەلدى قۇرىلىمدارىنىڭ ءبىرى سانالاتىن تۇرىك تاريح ۇيىمى ۇيىمداستىردى. قولداۋ كورسەتكەن - تۇركيا رەسپۋبليكاسى پرەزيدەنت اكىمشىلىگى.

جيىنعا ەلشى ابزال ساپاربەك ۇلى، تۇركيا رەسپۋبليكاسى پرەزيدەنتىنىڭ باس كەڭەسشىسى يالچىن توپچۋ، تۇرىك تاريح ۇيىمىنىڭ باسشىسى رەفيك تۋران، سونداي-اق تۇركيانىڭ باسقا دا ىقپالدى ساياسي تۇلعالارى، تانىمال عالىمدار مەن جوعارعى وقۋ ورىندارىنىڭ ۇستازدارى قاتىستى.


انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

جيىندى اشقان تۇرىك تاريح ۇيىمىنىڭ باسشىسى رەفيك تۋران تۇركى الەمى قازاقستاننىڭ ەۋرازياداعى بەلسەندىلىگى مەن ىقپالىنىڭ ارتۋىنا ءسۇيسىنىپ وتىرعانىن ايتتى. ول، سونداي-اق، نۇرسۇلتان نازاربايەۆتىڭ ۇلت مۇددەسى ءۇشىن قاجەتتى ماقساتتاردى جۇزەگە اسىرعان، حالىققا جول اشقان جانە كەلەشەكتىڭ كەلبەتىن ايقىنداعان كوشباسشى ەكەنىن جەتكىزدى.

ءوز كەزەگىندە، ەلشى ا. ساپاربەك ۇلى ەلباسىنىڭ قازاقستان عانا ەمەس، ورتالىق ازيا جانە كۇللى تۇركى الەمىنىڭ باياندى بولاشاعى ءۇشىن ايانباي ەڭبەك ەتىپ كەلە جاتقانىن ايتىپ، مەملەكەت باسشىسىنىڭ تۇركى كەڭەسىن قۇرۋ، تۇركيا مەن رەسەي اراسىنداعى ۇشاق داعدارىسىن وڭعارۋ جانە سيريا ماسەلەسىن شەشۋگە باعىتتالعان استانا پروتسەسىن ۇيىمداستىرۋ سياقتى باستامالارىنا توقتالدى.


انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

تۇركيا پارلامەنتىنىڭ دەپۋتاتى، تۇركيا-قازاقستان دوستىق توبىنىڭ باسشىسى مەحمەت الي جيەۆحەري ۇلى ويشىل، بۇكىل تۇركى جۇرتىنا يمان نۇرىن شاشقان اعارتۋشى احمەت ياساۋي ءىلىمى جونىندە ءسوز قوزعادى. ول قازاقستاندى الەمگە تانىتىپ، باسقا ەلدەرمەن ىنتىماقتاستىق ورناتۋ ارقىلى زاماناۋي مەملەكەت قۇرعان جانە تۇركى الەمىنىڭ اقساقالى اتانعان ن. نازاربايەۆ پەن ياساۋي بابامىز اراسىنداعى رۋحاني ساباقتاستىققا نازار اۋداردى.

جيىنعا ارنايى قاتىسقان تۇركيا پرەزيدەنتىنىڭ باس كەڭەسشىسى يالچىن توپچۋ نۇرسۇلتان نازاربايەۆتىڭ ستراتەگيالىق ساياساتى مەن كورەگەندىگىن اتاپ ءوتتى.


انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

«تۇعىرلى مەملەكەتتى قۇرۋشى كەمەڭگەر كوشباسشى رەتىندە تانىلعان ن. نازاربايەۆ - تۇركى- يسلام الەمىنىڭ اقساقالى جانە قازاق باۋىرلارىمىزدىڭ عانا ەمەس، بۇكىل تۇركى الەمىنىڭ ماقتانىشى»- دەيدى ول.

جيىن سەيفەتتين ەرول، حاسان ءۇنال جانە كۇرشات زورلۋ سياقتى تۇركيانىڭ تانىمال عالىمدارى جانە تالداۋ ورتالىقتارىنىڭ باسشىلارى بايانداما جاسادى. سويلەۋشىلەر قازاق پرەزيدەنتىنىڭ «ۇلى دالانىڭ جەتى قىرى» اتتى اۋقىمدى ماقالاسىن جاريالاۋ ارقىلى قازاقستاننىڭ رۋحاني جاڭعىرۋىنا عانا ەمەس، تۇركى الەمىنىڭ بىرىگۋىنە باعدار بەرەتىن تاعى ءبىر ماڭىزدى قادام جاساعانىن تىلگە تيەك ەتتى. ساراپشىلاردىڭ پىكىرىنشە، ەلباسى ءوزىنىڭ باعدارلامالىق ماقالاسىندا قازاقستاننىڭ تۇركىلىك تابيعاتىن ايقىندايتىن ماڭىزدى تۇجىرىمدار جاساپ، قازاق ەلىنىڭ تۇركى الەمىمەن بايلانىسىن بەكىتە تۇسەتىن پراكتيكالىق قادامداردى ۇتىمدى ۇسىنعان.


انكارادا «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋى كەسىلدى

سونىمەن قاتار، كونفەرەنسيا اياسىندا قازاقستان رەسپۋبليكاسىنىڭ تۇركياداعى ەلشىلىگى جانە قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قولداۋىمەن قازاق جانە تۇرىك تىلىندە جارىق كورگەن «نۇرسۇلتان نازاربايەۆ: ۇلى دالانىڭ رۋحاني جاڭعىرۋى» اتتى كىتاپتىڭ تۇساۋكەسەرى ءوتتى. كىتاپقا ەلباسىنىڭ «ۇلى دالانىڭ جەتى قىرى» جانە «بولاشاققا باعدار: رۋحاني جاڭعىرۋ» اتتى قازاق جانە تۇرىك تىلدەرىندەگى ماقالالار ەنگەن.


:ءبولىسۋ

اأتور:

novasa

ونلاين قىزمەتكەرلەر
مۇراعات